(ភ្នំពេញ)៖ អាជ្ញាធរនឹង បិទចរាចរណ៍រថយន្តដឹកទំនិញធុនធំ នៅលើកំណាត់ផ្លូវជាតិលេខ១ ចាប់ពីចំណុចផ្លូវបំបែក ផ្លូវលេខ២១ប រាជធានីភ្នំពេញ ដល់ គ.ម៣០+១៤០ ឃុំបន្ទាយដែក ស្រុកកៀនស្វាយ ខេត្តកណ្តាល ។ ចាប់ពីម៉ោង ១:០០រំលងអធ្រាត រហូតដល់ម៉ោង ១២:០០ថ្ងៃត្រង់ ថ្ងៃទី០៧ ខែមិថុនា ឆ្នាំ២០២៣។ នេះបើយោងតាម លិខិតជូនដំណឹងរបស់ មន្ទីរសាធារណការ និងដឹកជញ្ជូន ខេត្តកណ្ដាល នៅថ្ងៃទី០៥.០៦.២០២៣។ ក្នុងលិខិតនោះមន្ទីរសាធារណការ បានអះអាងថាៈ ការផ្អាកចរាចរណ៍នោះ គឺដើម្បីរៀបចំពិធី បើកការដ្ឋានសាងសង់ផ្លូវល្បឿនលឿន ភ្នំពេញ-បាវិត ដែលមានប្រវែងជាង១៣៥គីឡូម៉ែត្រ៕