សារលិខិតជូនពរ សូមគោរពជូនចំពោះសម្ដេចអគ្គមហាពញាចក្រី ហេង សំរិន ប្រធានរដ្ឋសភាជាតិ នៃព្រះរាជាណាចក្រកម្ពុជា នៅក្នុងឱកាសចម្រើនជន្មាយុ គម្រប់ ៨៩ឆ្នាំ ឈានចូល ៩០ឆ្នាំ នៅក្នុងឱកាសប្រកបដោយសិរីជយោភិរម្យប្រពៃថ្លៃថ្លា នៃថ្ងៃចម្រើនជន្មាយុ គម្រប់ ៨៩ឆ្នាំ ឈានចូល ៩០ឆ្នាំ យើងខ្ញុំទាំងអស់គ្នា តាងនាមថ្នាក់ដឹកនាំ មន្ត្រីរាជការ និងបុគ្គលិកគ្រប់ជាន់ថ្នាក់ ក្រោមឱវាទក្រសួងសាធារណការ និងដឹកជញ្ជូន សូមលើកហត្ថបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិទាំងអស់ក្នុងលោក សូមប្រោះព្រំប្រសិទ្ធិពរជ័យ សិរីសួស្តី វិបុលសុខមហាប្រសើរ ជូនចំពោះ សម្ដេចអគ្គមហាពញាចក្រី ហេង សំរិន ប្រធានរដ្ឋសភាជាតិ នៃព្រះរាជាណាចក្រកម្ពុជា សូមមានសុខភាពល្អបរិបូរណ៍ កម្លាំងពលំមាំមួន អាយុយឺនយូរ បញ្ញាភ្លឺថ្លា ដើម្បីដឹកនាំមាតុភូមិកម្ពុជា ឱ្យកាន់តែលូតលាស់រីកចម្រើន និងសូមឱ្យ សម្តេចអគ្គមហាពញាចក្រី និង សម្តេចធម្មវិសុទ្ធវង្សា ព្រមទាំង បុត្រា បុត្រី ចៅប្រុស ចៅស្រី និងចៅទួត ជាទីគោរពស្រលាញ់ទាំងអស់ សូមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕