ផ្លូវជាតិលេខ៤១ ដែលរងការខូចខាតខ្លាំង ត្រូវបានរាជរដ្ឋាភិបាលកម្ពុជា ប្រកាសសាងសង់ឡើងវិញ ដោយចំណាយជាង ៦៧លានដុល្លារ ផ្លូវជាតិលេខ ៤១ ដែលពលរដ្ឋខ្មែរភាគច្រើនស្គាល់ថា ផ្លូវអង្គឌួង មានប្រវែងជាង ៩៥គីឡូម៉ែត្រតភ្ជាប់ពីថ្នល់ទទឹង ក្នុងខេត្តកណ្ដាល ទៅដល់ស្រុកជុំគិរី នៅខេត្តកំពត ដែលរងការខូចខាតខ្លាំង នាពេលបច្ចុប្បន្ននេះ ត្រូវបានសម្ដេចតេជោ ហ៊ុន សែន និងឯកអគ្គរដ្ឋទូតចិន ប្រចាំកម្ពុជាអញ្ជើញជាអធិបតីបើកការដ្ឋានស្ដារ និងជួសជុលឡើងវិញ នៅព្រឹកថ្ងៃទី២៦ខែធ្នូនេះ។ គម្រោងជួសជុល និងសាងសង់ឡើងវិញ ផ្លូវជាតិលេខ៤១នេះ ត្រូវចំណាយថវិកាជាង ៦៧លានដុល្លារសហរដ្ឋអាមេរិក។