[Kampucheathmey] - ថ្ងៃ ០៩ មករា ២០២៣ នឹងបើកការដ្ឋានពង្រីកផ្លូវជាតិលេខ ៧ ពីស្គន់ទៅកំពង់ចាម
2022-12-20
ទៅកាន់ទំព័រចុះផ្សាយក្នុង Kampucheathmey
លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានបញ្ជាក់ពីថ្ងៃបើកការដ្ឋានសាងសង់និងពង្រីកផ្លូវជាតិលេខ ៧ ពីស្គន់ទៅក្រុងកំពង់ចាម។បើតាមលោករដ្ឋមន្រ្តីថ្លែងចូលរួមក្នុងពិធីសម្ពោធមណ្ឌលត្រួតពិនិត្យលក្ខណៈបច្ចេកទេសយានយន្ត (ឆៀក) ផ្សារដីហុយ នៅព្រឹកនេះ ការបើកការដ្ឋានពង្រីកផ្លូវជាតិលេខ ៧ ពីស្គន់ទៅក្រុងកំពង់ចាមគ្រោងធ្វើនៅថ្ងៃ ០៩ ខែមករា ឆ្នាំ ២០២៣ ខាងមុខនេះ។
ផ្លូវជាតិលេខ៧ ពីស្គន់ដល់ក្រុងកំពង់ចាម ដែលមានប្រវែង ៤៥,៥០ គីឡូម៉ែត្រ ត្រូវពង្រីកជាផ្លូវ៤គន្លង (ពីរគន្លងទៅពីរគន្លងមក)។ ផ្លូវនេះប្រើប្រាស់ថវិកាជិត ១១៥ លានដុល្លារ គ្រោងចំណាយពេលសាងសង់ប្រមាណ ៣៦ ខែ និងអនុវត្តការងារសាងសង់ដោយក្រុមហ៊ុនសាជីវកម្មស្ពាននិងថ្នល់ចិន៕
