ក្រុមការងារ ស.ស.យ.ក វិស័យសាធារណការ និងដឹកជញ្ជូន ចូលរួមអបអរសាទរខួបទី៤៤ នៃកំណើតសហភាពសហព័ន្ធយុវជនកម្ពុជា (ស.ស.យ.ក) វិមានឈ្នះឈ្នះ៖ ថ្ងៃសៅរ៍ ១០កើត ខែមិគសិរ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣ ខែវិច្ឆិកា ឆ្នាំ២០២២ លោក ឈួន វិន ប្រធានក្រុមការងារ ស.ស.យ.ក វិស័យសាធារណការ និងដឹកជញ្ជូន បានអញ្ជើញដឹកនាំ សមាជិក សមាជិកាចំនួន៨៥រូប ចូលរួមពិធីអបអរសាទរខួបអនុស្សាវរីយ៍លើកទី៤៤ នៃថ្ងៃកំណើត ស.ស.យ.ក (២ ធ្នូ ១៩៧៨-២ ធ្នូ ២០២២) ក្រោមប្រធានបទ ក្ដីស្រមៃ និងក្ដីសង្ឃឹម ដែលមានការចូលរួមជាអធិបតីដ៏ខ្ពង់ខ្ពស់ដោយ ឯកឧត្តម ហ៊ុន ម៉ានី ប្រធាន ស.ស.យ.ក។ នៅក្នុងពិធីដ៏រីករាយនោះដែរ ក្រុមការងារ ស.ស.យ.ក ក្នុងវិស័យសាធារណការ និងដឹកជញ្ជូន ក៏មានការដាក់តាំងនូវប្រភេទកាតជូនពរ ដែលជាផលិតផលធ្វើឡើងដោយដៃ ដោយក្រុមអាជីវកម្ម ព្រមទាំងមានការចែកជូននូវ ឯកសារច្បាប់ លិខិតនានាដែលពាក់ព័ន្ធនឹងសុវត្ថិភាពចរាចរណ៍ផ្លូវគោក ជូនដល់អ្នកដែលចូលរួមទស្សនា និងមួកសុវត្ថិភាព ជូនដល់អ្នកដែលបានឆ្លើយសំណួរត្រឹមត្រូវផងដែរ៕