កិច្ចប្រជុំស្ដីពីការរៀបចំផ្សព្វផ្សាយរបាយការណ៍ស្តីពីការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ឆ្នាំ២០២២ និងទិសដៅការងារឆ្ពោះទៅកាន់ការបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ ២០២៣ ដល់គណបក្សមូលដ្ឋានអគ្គនាយកដ្ឋានភស្តុភារកម្ម រាជធានីភ្នំពេញ៖ ថ្ងៃពុធ ១២កើត ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១០ ខែសីហា ឆ្នាំ២០២២ លោកជំទាវ កុយ សុដានី សមាជិកយុវជនគណបក្សថ្នាក់កណ្ដាល និងជាប្រធាន ក្រុមការងារយុវជនគណបក្សប្រជាជនកម្ពុជាក្រសួងសាធារណការ បានអញ្ជើញដឹកនាំកិច្ចប្រជុំស្ដីពី ការរៀបចំផ្សព្វផ្សាយរបាយការណ៍ស្តីពីការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២ និងទិសដៅការងារឆ្ពោះទៅកាន់ការបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ ២០២៣ ដល់គណបក្សមូលដ្ឋានអគ្គនាយកដ្ឋានភស្តុភារកម្ម ដោយមានការចូលរួមពីលោកប្រធាន អនុប្រធាន លោក លោកស្រីសមាជិកសមាជិកាអចិន្ត្រៃយ៍ និងសមាជិកសមាជិកានៃគណៈកម្មាធិការគណបក្សមូលដ្ឋានអគ្គនាយកដ្ឋានភស្តុភារកម្ម។ ថ្លែងក្នុងកិច្ចប្រជុំនាឱកាសនោះ លោកជំទាវប្រធានអង្គប្រជុំ បានអានសេចក្តីជូនដំណឹងអំពីលទ្ធផលនៃ សន្និបាតគណៈកម្មាធិការកណ្ដាលវិសាមញ្ញរបស់គណបក្សប្រជាជនកម្ពុជា និងបានផ្ដល់ជាមតិណែនាំ មួយចំនួនជូនដល់មន្ត្រីបក្សមូលដ្ឋាន ទាក់ទងនឺងការណែនាំដ៏ខ្ពង់ខ្ពស់របស់សម្ដេចអគ្គមហាសេនាបតី តេជោ ហ៊ុន សែន ដែលបានថ្លែងក្នុងពិធីបូកសរុបសន្និបាត៕