ក្រសួងសាធារណៈការ និងដឹងជញ្ជូន បានប្រកាសឱ្យក្រុមហ៊ុនដឹកជញ្ជូន ដែលពុំទាន់បានចុះបញ្ជីធ្វើអាជីវកម្មដឹកជញ្ជូនអ្នកដំណើរត្រូវរួសរាន់មកបំពេញបែបបទស្នើសុំចុះបញ្ជី និងសុំអនុញ្ញាតធ្វើអាជីវកម្មឱ្យស្របតាមច្បាប់។ ក្រសួងពិនិត្យឃើញថា មានក្រុមហ៊ុន សាខាក្រុមហ៊ុន និងភ្នាក់ងារធ្វើអាជីវកម្មដឹកជញ្ជូនអ្នកដំណើរ កំពុងធ្វើអាជីវកម្មដឹកជញ្ជូនរបស់ខ្លួនដោយគ្មានលិខិតអនុញ្ញាតឲ្យធ្វើអាជីវកម្ម និងមួយចំនួនទៀតបានប្រើប្រាស់នូវលិខិតអនុញ្ញាតដែលផុតសុពលភាពប្រើប្រាស់។ ប្រភពដដែលបញ្ជាក់ថា ប្រសិនបើក្រុមហ៊ុននៅតែបន្តមិនមកបំពេញបែបបទស្នើរសុំឲ្យបានត្រឹមត្រូវទេ នោះក្រសួងសាធារណការ នឹងសហាការជាមួយស្ថាប័នមានសមត្ថកិច្ចដើម្បីចុះបញ្ជីត្រួតពិនិត្យព្រមទាំងមានវិធានការតាមផ្លូវច្បាប់៕