[Morningpostkh] - រយៈពេល១០ឆ្នាំ កម្ពុជាត្រូវការទឹកប្រាក់៥០ពាន់លានដុល្លារអាមេរិកអភិវឌ្ឍន៍វិស័យភស្តុភារកម្មរបស់ខ្លួន
2022-06-15
ទៅកាន់ទំព័រចុះផ្សាយក្នុង Morningpostkh
ភ្នំពេញ ៖ ក្នុងរយៈពេល១០ឆ្នាំខាងមុខបន្ត កម្ពុជាត្រូវការទឹកប្រាក់វិនិយោគប្រមាណ៥០ពាន់លានដុល្លារអាមេរិក ដើម្បីអភិវឌ្ឍន៍វិស័យ និងការដឹកជញ្ជូនរបស់ខ្លួនឱ្យមានភាពប្រកួតប្រជែងជាមួយប្រទេសជិតខាងទាំងការដឹកជញ្ជូនតាមទឹក គោក និង អាកាស ។ នេះបើតាមលោក រដ្ឋមន្ត្រីក្រសួងសាធារណការថ្លែងប្រាប់ប្រតិភូក្រុមហ៊ុនCMA CGM Cambodia កាលពីថ្ងៃទី១៤ មិថុនា ២០២២ ។
លោក ចាន់ថុលបានមានប្រសាសន៍ថាការបញ្ចប់ផែនការមេ របស់កម្ពុជា ត្រូវការទុនវិនិយោគប្រមាណជិត៥០ពាន់លានដុល្លារអាមេរិក ដើម្បីអភិវឌ្ឍន៍ គម្រោងប្រមាណ៣៣០គម្រោងក្នុងរយៈពេល១០ឆ្នាំខាងមុខ ដើម្បិធ្វើឱ្យវិស័យនិងថ្លៃដឹកជញ្ជូនរបស់កម្ពុជាកាន់តែមានការប្រកួតប្រជែងជែងជាងមុន និងចូលរួមចំណែកកក្នុងការទាក់ទាញវិនិយោគិន បង្កើតការងារធ្វើនៅកម្ពុជាផងដែរ ។
លោកក៏បានមានប្រសាសន៍ពីប្រព័ន្ធផ្លាស់ប្តូរទិន្នន័យអេឡិត្រូនិកនៅកំពង់ផែ ដើម្បីជួយពន្លឿននីតិវិធីចេញ ចូល នាវានៅតាមនិងកាត់បន្ថយថ្លៃដើមដឹកជញ្ជូនទំនិញតាមសមុទ្រ ដែលគ្រោងនឹងដាក់ឱ្យដំណើរការក្នុងពេលឆាប់ៗខាងមុខនេះ គម្រោងសាងសង់លើកកម្រិតព្រលានយន្តហោះចំនួន៣តាមស្ដង់ដារអន្តរជាតិនៅរាជធានីភ្នមពេ្ ខេត្តសៀមរាប និងកោះកុង ដែលប្រតិបត្តិការដោយក្រុមហ៊ុនឯកជនឈរលើគោលការណ៍ BOT ( សាងសង់ ប្រតិបត្តិ និងផ្ទេរ ) និងគម្រោងសាងសង់ផ្លូវល្បឿនលឿនភ្នំពេញ ក្រុងព្រះសីហនុ គក្រោងនឹងបញ្ចប់ការសាងសង់នៅខែកញ្ញា ២០២២នេះដែលអាចជួយសម្រួលដល់ការធ្វើដំណើរ និងការដឹកជញ្ជូនទំនិញចំណាយពេលវេលាតិចជាង៣ម៉ោង ទៅកាន់ខេត្តព្រះសីហនុ កាត់បន្ថយការប្រើប្រាស់ជាតិលេខ៤ ដែលបច្ចុប្បន្នត្រូវចំណាយពេលប្រមាណ៦ម៉ោងទៅកាន់ក្រុងមួយនេះ ។
លោកនលូ គឹមឈន់ ប្រតិភូរាជរដ្ឋាភិបាលកម្ពុជាទទួលបន្ទុកជាប្រធានអគ្គនាយកស្វយ័តក្រុងព្រះសីហនុ បានសម្ដែងការស្វាគមន៍ផងដែរចំពោះក្រុមហ៊ុនCMA ដែលមានបំណងចង់ពង្រឹងនិងពង្រីកកិច្ចសហប្រតិបត្តិការជាមួយស្វយ័តក្រុងព្រះសីហនុឡើងវិញបន្ទាប់ពីអាក់ខានមួយរយៈកន្លងមក និងបានជម្រាបជូនពីគម្រោងសាងសង់ផែកុងតឺន័រ ថ្មីដំណាក់កាលទី១ របស់ស្វយ័តក្រុងព្រះសីហនុ ដែលគ្រោងនឹងបញ្ចប់នៅឆ្នាំ២០២៥ ការសិក្សាគម្រោងសាងសង់ចំណតផែកុងតឺន័រថ្មីជំហានទី២ និងជំហានទី៣ នៅកំពង់ផែស្វយ័តក្រុងព្រះសីហនុក្នុងកញ្ចប់តែមួយ ដើម្បីពង្រីកសមត្ថភាពឱ្យកាន់តែប្រសើរឡើង ។
យោងតាមរបាយការណ៍ស្ថិតិបំណុលសាធារណៈកម្ពុជាចេញផ្សាយដោយក្រសួងសេដ្ឋកិច្ចនិងហិរញ្ញវត្ថុឱ្យដឹងថា ក្នុងចំណោមថវិកាដែលកម្ពុជាចំណាយលើការវិនិយោគភាកច្រើនទៅលើវិស័យហេដ្ឋារចនាសម្ព័ន្ធ ហើយឆ្នាំបន្តបន្ទាប់ទៅមុខទៀត រដ្ឋាភិបាលនៅតែបន្តយកចិត្តទុកដាក់លើការអភិវឌ្ឍវិស័យហេដ្ឋារចនាសម្ព័ន្ធនេះដដែល ៕
