រសៀលថ្ងៃព្រហស្បតិ៍ ៤រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៩ ខែឧសភា ឆ្នាំ២០២២ ឯកឧត្តម ឯក រដ្ឋ ប្រធានក្រុមការងារយុវជនគណៈបក្សចុះមូលដ្ឋានស្រុក តំណាងដ៍ខ្ពង់ខ្ពស់ ឯកឧត្តមទេសរដ្ឋមន្ត្រី ស៊ុន ចាន់ថុល ប្រធានក្រុមការងារគណបក្សចុះមូលដ្ឋានស្រុក បានអញ្ជើញជាអធិបតីភាព ក្នុងពិធីសំណេះសំណាលជាមួយភ្នាក់ងារគណបក្ស យុវជន និងនារី ស្រុកកោះធំ ដើម្បីត្រៀមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅ ភូមិក្បាលកោះ ឃុំឈើខ្មៅ ។ សមាសភាពចូលរួម៖ ឯកឧត្តម លោកជំទាវ លោក លោកស្រីក្រុមការងារយុវជនគណបក្សចុះមូលដ្ឋានស្រុក ឃុំ គណៈកម្មាធិការគណបក្សស្រុក ឃុំ ក្រុមការងារយុវជនគណបក្សស្រុក គណៈកម្មាធិការគណបក្សឃុំ ភ្នាក់ងារគណបក្ស យុវជន និងនារី ចំនួន ៥ឃុំ មានឃុំព្រែកជ្រៃ ឃុំឈើខ្មៅ ឃុំជ្រោយតាកែវ ឃុំព្រែកស្ដី និងឃុំសំពៅពូន សរុប ៤៩០នាក់។