កិច្ចប្រជុំលើកទី២ លើសេចក្ដីព្រាងអនុក្រឹត្យ ស្ដីពីការកំណត់ល្បឿនសម្រាប់យានយន្ត ក្រោមអធិបតីភាព ឯកឧត្ដម តូច ចាន់កុសល រដ្ឋមន្រ្តីស្តីទី ក្រសួងសាធារណការ និងដឹកជញ្ជូន និងជាប្រធានក្រុមការងារសិក្សា និងវិសោធនកម្មច្បាប់ស្ដីពីចរាចណ៍ផ្លូវគោក ............................... នៅថ្ងៃចន្ទ ១រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៦ ខែឧសភា ឆ្នាំ២០២២ លោក ព្រំ វន្ថា ប្រធាននាយកដ្ឋានសុវត្ថិភាពចរាចរណ៍ផ្លូវគោក បានចូលរួមកិច្ចប្រជុំពិនិត្យលើសេចក្ដីព្រាងអនុក្រឹត្យ ស្ដីពីការកំណត់ល្បឿនសម្រាប់យានយន្ត ក្រោមអធិបតីភាព ឯកឧត្ដម តូច ចាន់កុសល រដ្ឋមន្រ្តីស្តីទី ក្រសួងសាធារណការ និងដឹកជញ្ជូន និងជាប្រធានក្រុមការងារសិក្សា និងវិសោធនកម្មច្បាប់ស្ដីពីចរាចណ៍ផ្លូវគោក។ ការរៀបចំកិច្ចប្រជុំលើកទី២នេះ មានគោលបំណងដើម្បីពិនិត្យឆ្លងខ្លឹមសារលម្អិតលើសេចក្តីព្រាងអនុក្រឹត្យ ស្ដីពីការកំណត់ល្បឿនសម្រាប់យានយន្ត មុននឹងដាក់ជូនប្រមុខរាជរដ្ឋាភិបាល ពិនិត្យ និងសម្រេច។ កិច្ចប្រជុំនេះ មានការអញ្ជើញចូលរួមពី ឯកឧត្តម រដ្ឋលេខាធិការ អនុរដ្ឋលេខាធិការ នៃក្រសួងសាធារណការ និងដឹកជញ្ជូន ក្រសួងមហាផ្ទៃ ឯកឧត្តមនាយកឧត្តមសេនីយ៍ អគ្គស្នងការរង នៃអគ្គស្នងការដ្ឋាននគរបាលជាតិ ឯកឧត្តមអគ្គនាយក នៃអគ្គនាយកដ្ឋានដឹកជញ្ជូនផ្លូវគោក លោក លោកស្រីប្រធាននាយដ្ឋាន និងតំណាងក្រសួងមហាផ្ទៃ ព្រមទាំងមន្រ្តីពាក់ព័ន្ធផងដែរ។