លោក ឈួន វិន អញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំឆ្នាំ២០២១ និងទិសដៅការងារឆ្នាំ២០២២ របស់ ស.ស.យ.ក វិស័យសាធារណការ និងដឹកជញ្ជូន នាព្រឹកថ្ងៃចន្ទ ៥រោច ខែមាឃ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២១ ខែកុម្ភៈ ឆ្នាំ២០២២ នៅទីស្តីការក្រសួង លោក ឈួន វិន ប្រធានក្រុមការងារ ស.ស.យ.ក. វិស័យសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំបូកសរុបលទ្ធផលការងារ ស.ស.យ.ក ប្រចាំឆ្នាំ២០២១ និងទិសដៅឆ្នាំ២០២២ តាមរយៈប្រព័ន្ធZoom ដោយមានការចូលរួមពី លោក លោកស្រី អនុប្រធាន សមាជិក សមាជិកា ក្រុមការងារវិស័យ សរុបប្រមាណ១០០នាក់។ គិតត្រឹម ខែធ្នូ ឆ្នាំ២០២១ ស.ស.យ.ក វិស័យសាធារណការ និងដឹកជញ្ជូន មានសមាជិកទាំងអស់សរុបរួមចំនួន ៩៩៩រូប និងរចនាសម្ព័ន្ធក្បាលម៉ាស៊ីនមានចំនួន ១០៦រូប។ អង្គប្រជុំបានមូលមតិគ្នាសម្រេចជាឯកច្ឆ័ន្ទ អនុម័តលើរបាយការណ៍បូកសរុបលទ្ធផលការងារប្រចាំឆ្នាំ២០២១ និងទិសដៅការងារឆ្នាំ២០២២ របស់ ស.ស.យ.ក វិស័យសាធារណការ និងដឹកជញ្ជូន។ ក្នុងនោះផងដែលក្រុមការងារ ស.ស.យ.ក. វិស័យសាធារណការ និងដឹកជញ្ជូន បានរៀបចំសេចក្តីសម្រេចមួយចំនួនដូចជា: - សេចក្តីសម្រេច ស្តីពីការបែងចែកភារកិច្ចរបស់ថ្នាកដឹកនាំ - សេចក្តីសម្រេច ស្តីពីការបង្កើតនិងរៀបចំសមាសភាពផែនចំណុះតាមផ្នែក និង ក្រុមជំនាញនីមួយៗ ទាំង៧ផ្នែក និង១ក្រុម រួមមាន ផ្នែកសាធារណការ ផ្នែកបច្ចេកទេស ផ្នែករដ្ឋបាល ផ្នែកដឹកជញ្ជូន ផ្នែកផែនការ ពិនិត្យតាមដាន ផ្នែកកំពង់ផែស្វ័យ័តក្រុងព្រះសីហនុ ផ្នែកកំពង់ផែស្វ័យ័តភ្នំពេញ និងក្រុមអាជីវកម្ម - សេចក្តីសម្រេច ស្តីពីការចូលជាសមាជិកបន្ថែម បន្ថែមពីលើនេះមានការធ្វើបទអន្តរាគមន៍ និងការចូលរួមមតិយោបល់ ស្តីពីលទ្ធផលការងារដែលសម្រេចបាន ភាពខ្លាំង បញ្ហាប្រឈម និងទិសដៅបន្ត របស់ក្រុម និងផ្នែកនីមួយៗដោយ លោក លោកស្រី ប្រធាន អនុប្រធានផ្នែក សមាជិក សមាជិកា និងក្រុមការងារទាំងអស់។ មុននឹងបញ្ចប់កិច្ចប្រជុំ លោកប្រធានក្រុមការងារ ស.ស.យ.ក. វិស័យសាធារណការ និងដឹកជញ្ជូន បានធ្វើការថ្លែងអំណរគុណដល់ ថ្នាក់ដឹកនាំ សមាជិក សមាជិកា និងក្រុមការងារទាំងអស់ ដែលបានអញ្ចើញចូលរួមក្នុងកិច្ចប្រជុំបូកសរុបលទ្ធផលការងារ ស.ស.យ.ក ប្រចាំឆ្នាំ២០២១ និងទិសដៅឆ្នាំ២០២២ ហើយបានលើកទឹកចិត្ត និងជំរុញឱ្យសមាជិក សមាជិកា និងក្រុមការងារទាំងអស់ បន្តការប្រុងប្រយ័ត្ន និងគោរពតាមការណែនាំរបស់ក្រសួងសុខាភិបាលក្នុងការចូលរួមទប់ស្កាត់ការរីករាលដាលនៃជំងឺកូវីដ-១៩ ឱ្យបានគ្រប់ៗគ្នា។