លោកស្រី កុយ សុដានី អនុប្រធានក្រុមការងារ ស.ស.យ.ក វិស័យសាធារណការ និងដឹកជញ្ជូន និងជាប្រធានក្រុមអាជីវកម្ម បានអញ្ជើញដឹកនាំកិច្ចប្រជុំពិភាក្សាលើការរៀបចំរបាយការណ៍ ត្រៀមសម្រាប់កិច្ចប្រជុំបូកសរុបលទ្ធផលការងារ ស.ស.យ.ក ក្នុងវិស័យ ប្រចាំឆ្នាំ២០២១ និងទិសដៅឆ្នាំ២០២២ នាព្រឹកថ្ងៃពុធ ៨កើត ខែមាឃ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០៩ ខែកុម្ភៈ ឆ្នាំ២០២២ នៅទីស្តីការក្រសួង លោកស្រី កុយ សុដានី អនុប្រធានក្រុមការងារ ស.ស.យ.ក វិស័យសាធារណការ និងដឹកជញ្ជូន និងជាប្រធានក្រុមអាជីវកម្ម បានអញ្ជើញដឹកនាំកិច្ចប្រជុំពិភាក្សាលើការរៀបចំរបាយការណ៍ ត្រៀមសម្រាប់កិច្ចប្រជុំបូកសរុបលទ្ធផលការងារ ស.ស.យ.ក ក្នុងវិស័យ ប្រចាំឆ្នាំ២០២១ និងលើកទិសដៅឆ្នាំ២០២២ ដោយមានការអញ្ជើញចូលរួមពី លោក លោកស្រី អនុប្រធានក្រុមអាជីវកម្ម ប្រធានផែន ចំណុះក្រុមអាជីវកម្ម។ អង្គប្រជុំបានពិភាក្សាគ្នាយ៉ាងផុលផុសលើការរៀបចំរបាយការណ៍សម្រាប់កិច្ចប្រជុំបូកសរុបលទ្ធផលការងារ ឆ្នាំ២០២១ និងលើកទិសដៅឆ្នាំ២០២២ របស់ក្រុមការងារ ស.ស.យ.ក វិស័យសាធារណការ និងដឹកជញ្ជូន ដែលគ្រោងរៀបបចំនៅថ្ងៃទី២១ ខែកុម្ភៈ ខាងមុខនេះ។ នៅក្នុងកិច្ចប្រជុំនេះក៏បានពិភាក្សាកំណត់អំពីលទ្ធផលសម្រេចបានក្នុងរយៈពេលមួយឆ្នាំ២០២១ របស់ក្រុមអាជីវកម្ម ការត្រួតពិនិត្យលើរចនាសម្ព័ន្ធរបស់ក្រុមចំណុះ និងការស្វែងរកការគាំទ្រផលិតផលសម្រេចដោយក្រុមអាជីវកម្មដែលផលិតបាន ស្រាយជ្រាវលើវត្ថុធាតុដើមសម្រាប់ការផលិត ការច្នៃម៉ូត រូបសញ្ញាដែលធ្វើឱ្យទាក់ទាញនៅលើទីផ្សារ ការកំណត់តម្លៃ សិក្សាអំពីតម្រូវការនៅលើទីផ្សារ ការប្តេជ្ញារួមគ្នាធ្វើឱ្យសម្រេចបានតាមផែនការកំណត់ដែលបានដាក់ចេញ និងការចែករំលែកនូវបទពិសោធន៍ល្អៗដល់ក្រុមការងារផងដែរ៕