[kleykley] - រាជធានីភ្នំពេញកំពុងសិក្សាគម្រោងសាងសង់ស្ពានអាកាស និងផ្លូវក្រោមដីមួយកន្លែងទៀត
2022-01-11
ទៅកាន់ទំព័រចុះផ្សាយក្នុង kleykley
រដ្ឋបាលរាជធានីភ្នំពេញកំពុងសិក្សាគម្រោងសាងសង់ស្ពានអាកាសមួយខ្សែ និងផ្លូវក្រោមដីមួយខ្សែទៀត ដែលមានទីតាំងនៅខណ្ឌពោធិសែនជ័យ។ នេះបើតាមការចុះផ្សាយផេកហ្វេសបុករបស់រដ្ឋបាលរាជធានីភ្នំុពេញចេញផ្សាយនៅរសៀលថ្ងៃទី១១ ខែមករា ឆ្នាំ២០២២នេះ។
រូបគម្រោងគម្រោងស្ពានអាកាស និងផ្លូវក្រោមដីនៅខណ្ឌពោធិសែនជ័យ រូបថត៖ រដ្ឋបាលរាជធានីភ្នំពេញ
គម្រោងស្ពានអាកាស និងផ្លូវក្រោមដីថ្មីមួយកន្លែងនេះ មានទីតាំងស្ថិតនៅស្របតាមមហាវិថីសហព័ន្ធរុស្សី និងវិថីសម្ដេចចៅហ្វាវាំង គង់សំអុល ( ផ្លូវ២០០៤ ) ស្ថិតនៅខណ្ឌពោធិ៍សែនជ័យ រាជធានីភ្នំពេញ។ គោលបំណងសំខាន់ការសាងសង់ស្ពានអាកាសមួយខ្សែ និងផ្លូវក្រោមដីថ្មីមួយកន្លែងថ្មីនេះគឺធ្វើដើម្បីបញ្ចៀស និងកាត់បន្ថយការកកស្ទះចរាចរណ៍ត្រង់ចំនុចមហាវិថីសហព័ន្ធរុស្សី និងផ្លូវ២០០៤ និងធ្វើឱ្យលំហូរចរាចរណ៍មានភាពងាយស្រួលក្នុងការធ្វើដំណើរ៕
