(ភ្នំពេញ)៖ នៅថ្ងៃ១ ខែកញ្ញា ឆ្នាំ២០២១ លោក ម៉ឹង ឈុនហេង ប្រធាននាយកដ្ឋានដឹកជញ្ជូនសាធារណៈក្រុង និងជាតំណាងក្រសួងសាធារណការនិងដឹកជញ្ជូន និងរាជរដ្ឋាភិបាលកម្ពុជា បានចូលរួមកិច្ចប្រជុំលើកទី១ តបតាមការអញ្ជើញរបស់អង្គការសហប្រជាជាតិ (UNECE) កិច្ចប្រជុំធ្វើឡើងតាមការចូលរូមដោយផ្ទាល់ និងតាមយៈប្រព័ន្ធវីដេអូពីចម្ងាយ ដើម្បីពិភាក្សាលើសេចក្ដីព្រាងច្បាប់ថ្មីមួយស្តីពីការប្រើប្រាស់យានយន្តស្វ័យប្រវត្តិ ឬយានយន្តគ្មានអ្នកបើកបរក្នុងការធ្វើចរាចរណ៍ ដែលរៀបចំឡើងដោយអង្គការសហប្រជាជាតិ (UN) នៅទីក្រុង Geneva (សឺណែវ) ប្រទេសស្វីសសេឡង់។ កម្ពុជា គឺជាសមាជិកហត្ថលេខី នៃសន្ធិសញ្ញាអន្តរជាតិឆ្នាំ១៩៤៩និងឆ្នាំ១៩៦៨ ស្តីពីច្បាប់ចរាចរណ៍ផ្លូវគោក។ កិច្ចប្រជុំនេះ ក៏មានបណ្តាប្រទេសជុំវិញពិភពលោកមួយចំនួនបានចូលរួមផងដែរ៕