[Rasmei Kampuchea Daily News] - កម្ពុជាមានកំពង់ផែជាង ១០០ កន្លែង
ភ្នំពេញៈ ក្រសួងសាធារណការនិងដឹកជញ្ជូនបានឲ្យដឹងថា មកដល់ពេលនេះកម្ពុជាមានកំពង់ផែសរុបទាំងអស់ចំនួន ប្រមាណជា ជាង ១០០ កន្លែង ។
ប្រភពដដែលបានអះអាងថា កំពង់ផែទាំងនោះ គឺត្រូវបែងចែកជាពីរគឺកំពង់ផែទន្លេ និងសមុទ្រ ។
ប្រភពដដែលបានបន្តថា កំពង់ផែទន្លេមានសរុបទាំងអស់ចំនួន៧៨កំពង់ផែ ស្ថិតនៅតាមដងទន្លេមេគង្គ ទន្លេសាប ទន្លេបាសាក់ និងបណ្ដាខេត្តនានា នៅទូទាំង ប្រទេស ។
ប្រភពដដែលបានបន្ថែមថា ដោយឡែកកំពង់ផែសមុទ្រមាន ចំនួន២៧ កន្លែង និងធំជាងគេ គឺនៅខេត្តព្រះសីហនុ ។
ប្រភពដដែលបានបន្តថា មុខងារកំពង់ផែទាំងនោះត្រូវបានបែងចែកចេញជាកំពង់ផែ ពាណិជ្ជកម្ម ឧស្សាហកម្ម ទេសចរណ៍ និងផែប្រេងជាដើម និងត្រូវបានគ្រប់គ្រង ដោយរដ្ឋផង និងឯកជនផង។
កំពង់ផែទាំងនោះមានតួនាទីជំរុញសកម្មភាពពាណិជ្ជកម្មគ្រប់ប្រភេទក្នុងដំណើរការ អភិវឌ្ឍ សេដ្ឋកិច្ចជាតិ តំបន់ និង អន្តរជាតិ៕
