(ភ្នំពេញ)៖ លោក កែន រដ្ឋា អគ្គនាយក នៃអគ្គនាយកដ្ឋានរដ្ឋបាល និងហិរញ្ញវត្ថុ បានអញ្ជើញ ជាអធិបតី ក្នុងពិធីបើកវគ្គបណ្ដុះបណ្ដាល ស្ដីពីបែបបទនៃការតាក់តែងលិខិតរដ្ឋបាល ជាភាសាអង់គ្លេសទៅបណ្តាស្ថាប័ន ស្ថានទូត និងដៃគូអភិវឌ្ឍន៍អន្តរជាតិ ដោយមានការចូលរួមពីមន្ត្រី ពាក់ព័ន្ធនៃបណ្តា អង្គភាពក្រោមឱវាទក្រសួងប្រមាណ ២៥រូប។ វគ្គបណ្ដុះបណ្ដាលនេះធ្វើឡើង ដើម្បីផ្តល់ចំណេះដឹង និងជំនាញបន្ថែមទៀត ដល់មន្ត្រីរាជការក្រោមឱវាទក្រសួង តាមរយៈការចែករំលែកចំណេះដឹង និងបទពិសោធន៍ក្នុងការងារផ្ទាល់ខ្លួនដល់អង្គសិក្ខាកាមអំពីរបៀប នៃការតាក់តែងលិខិតរដ្ឋបាល ជាភាសាអង់គ្លេស ទៅបណ្តាស្ថាប័នពាក់ព័ន្ធ ស្ថានទូត និងដៃគូអភិវឌ្ឍន៍អន្តរជាតិ សំដៅលើកកម្ពស់សមត្ថភាពបំពេញ ការងាររបស់មន្ត្រីរាជការ ឱ្យមានប្រសិទ្ធ ភាពខ្ពស់ស្របតាមតួនាទី និងភារកិច្ចរបស់ខ្លួន។ អគ្គនាយក បានមានប្រសាសន៍ថា តាមរយៈការបណ្ដុះបណ្ដាលនេះ សិក្ខាកាមនឹងទទួលបាន បទពិសោធន៍គន្លឹះសំខាន់ៗផ្ទាល់ខ្លួនរបស់វាគ្មិន និងសិក្ខាកាម បែបបទ និងទម្រង់នៃការសរសេរលិខិតរដ្ឋ បាលជាភាសាអង់គ្លេសឱ្យបានត្រឹមត្រូវតាមបទដ្ឋាន ដើម្បីជាទស្សនទានក្នុងការអភិវឌ្ឍចំណេះដឹងរបស់ ខ្លួន ការរៀបចំផ្នត់គំនិត ការត្រៀមខ្លួនសម្រាប់ការផ្លាស់ប្តូរ និងការអភិវឌ្ឍវិជ្ជាជីវៈបន្ថែមទៀត ។ ជាមួយគ្នានោះផងដែរ លោក បានក្រើនរំលឹកអង្គសិក្ខាកាមថា ដើម្បីឱ្យការបណ្តុះ បណ្តាលនេះទទួលបាននូវផ្លែផ្កា អង្គសិក្ខាកាមត្រូវមានផ្នត់គំនិតវិជ្ជមាន ត្រូវធ្វើការដុះខាត់គំនិត ត្រូវចង់ ចេះចង់ដឹង រិះរកនីតិវិធីផ្លាស់ប្ដូររបៀបរបបធ្វើការងារ ដើម្បីពង្រឹងសមត្ថភាព និងចំណេះដឹងឱ្យកាន់តែទូលំ ទូលាយ សំដៅបង្កើនផលិតភាពការងារ ឱ្យកាន់តែល្អប្រសើរឡើង៕