កិច្ចប្រជុំពិភាក្សាលើ សេចក្តីព្រាងប្រកាសស្តីពី នីតិវិធី នៃការត្រួតពិនិត្យលក្ខណៈបច្ចេកទេសនាវាឆ្នេរសមុទ្រ និងនាវាផ្លូវទឹកក្នុងប្រទេស ត្រូវបានធ្វើឡើងដើម្បីពិនិត្យ និងកែសម្រួលឡើងវិញ — នាថ្ងៃទី១៩ ខែកុម្ភៈ ឆ្នាំ២០២០ មានកិច្ចប្រជុំពិភាក្សាលើ សេចក្តីព្រាងប្រកាសស្តីពី នីតិវិធី នៃការត្រួតពិនិត្យលក្ខណៈបច្ចេកទេសនាវាឆ្នេរសមុទ្រ និងនាវាផ្លូវទឹកក្នុងប្រទេស ត្រូវបានធ្វើឡើងក្រោម ឯកឧត្ដម ចាន់ តារា អនុរដ្ឋលេខាធិការក្រសួងសាធារណការ និងដឹកជញ្ជូន។ កិច្ចប្រជុំមានគោលបំណង ពិភាក្សាឡើងវិញទៅលើខ្លឹមសារឧបសម្ព័ន្ធនីមួយៗរួមមាន សន្ទានុក្រមពាក្យបច្ចេកទេស​ ទម្រង់ពាក្យសុំត្រួតពិនិត្យលក្ខណៈបច្ចេកទេសនាវា ​និងការបែងចែកភារកិច្ចត្រួតពិនិត្យលក្ខណៈបច្ចេកទេសនាវា រវាងរដ្ឋបាលថ្នាក់ជាតិ និងថ្នាក់ក្រោមជាតិ​នៃក្រសួងសាធារណការ​ និងដឹកជញ្ជូន។