ការបើកព្រឹត្តិការណ៍ប្រកួតបាល់ទាត់ពានរង្វាន់មិត្តភាពយុវជនអន្តរក្រសួង-ស្ថាប័ន លើកទី៧ ឆ្នាំ២០១៩ --- នាថ្ងៃទី១៤ ខែធ្នូ ឆ្នាំ២០១៩ នៅទីលានមជ្ឈមណ្ឌលកីឡា Premium Sport Club ខណ្ឌទួលគោក រាជធានីភ្នំពេញ បានបើកព្រឹត្តិការណ៍ប្រកួតបាល់ទាត់ពានរង្វាន់មិត្តភាពយុវជនអន្តរក្រសួង-ស្ថាប័ន លើកទី៧ ឆ្នាំ២០១៩ ក្រោមអធិបតីភាព ឯកឧត្តម ស សុខា អនុប្រធានសហភាពសហព័ន្ធយុវជនកម្ពុជា និងជាប្រធានកិត្តិយសគណៈកម្មាធិការកីឡាបាល់ទាត់មិត្តភាពយុវជនអន្តរក្រសួង-ស្ថាប័ន តំណាងដ៏ខ្ពង់ខ្ពស់ ឯកឧត្តម ហ៊ុន មានី ប្រធានសហភាពសហព័ន្ធយុវជនកម្ពុជា ដោយក្នុងនោះមានសមាសភាពសមាជិកសមាជិកា ក្រុមការងារ ស.ស.យ.ក វិស័យសាធារណការ និងដឹកជញ្ជូន នៃក្រសួងសាធារណការ និងដឹកជញ្ជូន បានចូលរួមផងដែរ។ គួរបញ្ជាក់ថាព្រឹត្តិការណ៍នេះ មានសមាសភាពយុវជនអន្តរក្រសួង-ស្ថាប័នចំនួន៣១ក្រុមចូលរួម ដោយនៅក្នុងនោះ ក្រុមការងារ ស.ស.យ.ក វិស័យសាធារណការ និងដឹកជញ្ជូន នៃក្រសួងសាធារណការ និងដឹកជញ្ជូន នឹងត្រូវជួបប្រកួតជាមួយក្រុម ស.ស.យ.ក.ធនាគារជាតិនៃកម្ពុជា នាល្ងាចថ្ងៃទី១៦ ខែធ្នូ ឆ្នាំ២០១៩។