បញ្ហាការកកស្ទះចរាចរណ៍នៅទីក្រុងគុជ ឬទីក្រុងភ្នំពេញរាល់ថ្ងៃគឺជារឿងមួយគួរឱ្យព្រួយបារម្ភបំផុត ព្រោះបញ្ហាកកស្ទះចរាចរណ៍វានាំឱ្យការធ្វើដំណើរទៅណាមកណាមានការយឺតយ៉ាវ និងនាំឱ្យខាតបង់ពេលវេលាផងដែរ។ ម្យ៉ាងវិញទៀតរាល់បញ្ហាកកស្ទះចរាចរណ៍បណ្តាលមកពីបងប្អូនប្រជាពលរដ្ឋមួយចំនួនគាត់ខ្វះការយល់ស្តីពីច្បាប់ចរាចរណ៍ផ្លូវគោក នេះជាបញ្ហាមួយប៉ុន្តែដែលធំជាងគេនោះលោកអ្នកមាន ឬអស់លោកជាមន្ត្រីរបស់រដ្ឋ ឬអ្នកកាន់ច្បាប់អនុវត្តន៍មួយចំនួនតូច បែរជាខ្វះចំណេះដឹងស្តីពីច្បាប់ចរាចរណ៍ផ្លូវគោកជាងបងប្អូនប្រជាពលរដ្ឋទៅវិញ។ គួរឱ្យខ្មាស់បងប្អូនប្រជាពលរដ្ឋខ្លាំងណាស់ខ្លួនអ្នកមាន អ្នកអនុវត្តច្បាប់ និងជាអ្នកបង្រៀនអប់រំ ឬជាអ្នកគំរូបផងដែរនោះបែរជាបង្កើតបញ្ហាធំ និងគំរូបដ៏អាក្រក់បំផុតដល់សង្គមជាតិទៅវិញ។ កន្លងមកគ្រប់ថ្នាក់ដឹកនាំធំៗ ជាពិសេសប្រមុខរាជរដ្ឋាភិបាលកម្ពុជា និងស្ថាប័នជាច្រើនកំពុងស្រែកក្តែងៗឱ្យបងប្អូនចេះគោរពច្បាប់ចរាចរណ៍ផ្លូវគោកមិនមានថ្ងៃណាស្រាកស្រាននោះទេ។ យោងតាមហ្វេសប៊ុកមួយបានសរសេររៀបរាប់ថា៖ ស្ទូច! ដោយអនុវត្តតាមបទបញ្ជាជាប្រចាំរបស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ កម្លាំងអធិការដ្ឋាននគរបាលខណ្ឌទួលគោក ដែលដឹកនាំបញ្ជាផ្ទាល់ដោយលោកវរសេនីយ៍ទោ សុខ ហេង អធិការនគរបាលខណ្ឌទួលគោក បានធ្វេីការស្ទូចរថយន្តដែលចតល្មេីសច្បាប់ និងស្លាកសញ្ញាហាមឃាត់ ជាពិសេសរថយន្តស្លាកលេខ ន.ប ខ.ម និងស្លាកលេខរដ្ឋជាដេីម សូមអ្នកបេីកបររថយន្តដែលមានស្លាកលេខ ន.ប ខ.ម និងរដ្ឋ ចូលរួមគោរពច្បាប់អោយបានគ្រប់គ្នា ដេីម្បីជាគំរូល្អដល់ប្រជាពលរដ្ឋទូទៅ៕ ដកស្រង់ដោយ៖ Cambofox