នាយកដ្ឋានព័ត៌មានវិទ្យា និងទំនាក់ទំនងសាធារណៈ​ បានរៀបចំកម្មវិធីបណ្តុះបណ្តាល​ ពង្រឹងសន្តិសុខបច្ចេកវិទ្យាគមនាគមន៍ និងព័ត៌មាន នាថ្ងៃទី១៤ តុលា ២០១៩ នៅស្តីការក្រសួងសាធារណការ និងដឹកជញ្ជូន។ គោលបំណងនៃវគ្គបណ្តុះបណ្តាលនេះ​ គឺដេីម្បី ពង្រឹងសមត្ថភាពមន្ត្រីបច្ចេកទេស ឯកទេសព័ត៌មានវិទ្យា ស្ដីពីសុវត្ថិភាពក្នុងការការពារប្រព័ន្ធទិន្នន័យ រួមទាំងការត្រួតពិនិត្យមើលរបាយការណ៍ លើប្រព័ន្ធអ៊ីនធឺណេត ដើម្បីធានាបាន ទប់ស្កាត់ និងចាត់វិធានការ​ លេីការវាយប្រហារផ្សេងៗពីសំណាក់ជនអនាមិក​ព័ត៌មានវិទ្យា(Hacker)​។ របៀបវារៈ​ សំខាន់ៗក្នុងកម្មវិធីបណ្តុះបណ្តាលនេះរួមមាន៖ - Web Application Security - Mobile Application Security - Web service / API Security - How to Verify Your Application Security Controls។ កម្មវិធីនេះត្រូវបានអញ្ជើញចូលរួមធ្វេីបទឧទ្ទេសនាម​ ពីវាគ្មិនកិត្តិយស លោកលី វណ្ឌី ប្រធានគ្រប់គ្រងជាន់ខ្ពស់ផ្នែកសន្តិសុខព័ត៌មាន និងសវនកម្មប្រព័ន្ធបច្ចេកវិទ្យា​ នៃក្រុមហ៊ុនអន្តរជាតិ​មួយ ដែលមានឈ្មោះល្បីល្បាញនៅក្នុងវិស័យសន្តិសុខបច្ចេកវិទ្យា​ លំដាប់ថ្នាក់ពិភពលោក។ លោក ហ៊ាង សុទ្ធាយុត្តិ ប្រធាននាយកដ្ឋានព័ត៌មានវិទ្យា និងទំនាក់ទំនងសាធារណៈ និងជាអ្នកនាំពាក្យ នៃក្រសួងសាធារណការ និងដឹកជញ្ជូន ក្នុងនាមជាអធិបតីនៃកម្មវិធីនេះ​ បានសម្តែងនូវការកោតសរសេីរ​ នូវការចូលរួមចំណែក​ របស់លោក​ លី​ វណ្ឌី​ ក្នុងការងារពង្រឹងសន្តិសុខបច្ចេកវិទ្យា​ សម្រាប់វិស័យសាធារណៈ​ និងបានផ្តាំផ្ញេីឱ្យសិក្ខាកាមទាំងអស់​ យកចិត្តទុកដាក់​ ស្តាប់​ និងសួរសំណួរ​ ជជែកពិភាក្សា​ ដេីម្បីទទួលបានចំណេះដឹង​ ទាំងនេះយកមកអភិវឌ្ឍ​ ធ្វេីអោយប្រសេីរឡេីង​ នូវសុវត្ថិភាពប្រព័ន្ធបច្ចេកវិទ្យា​ សម្រាប់ការអភិវឌ្ឍ​ និងធានានិរន្តរភាព​ ការផ្តល់សេវាសាធារណៈ​ ជូនប្រជាពលរដ្ឋអោយកាន់តែប្រសេីរឡេីងក្នុងយុគសម័យ​ នៃបដិវត្តន៍ឧហ្សាហកម្មបច្ចេកវិទ្យា​ 4.0 ៕