ពោធិ៍សាត់៖ រថយន្តដឹកថ្មគ្រួសពេញ ១គ្រឿង បានបើកឆ្លងកាត់ស្ពាន បណ្ដាលបាក់ស្ពានក្នុងឃុំអូរសោម នៅក្នុងភូមិឆាយលូក ឃុំអូរសោម ស្រុកវាលវែង (ចំណុចស្ពានឆាយលូក ផ្លូវទៅខេត្តកោះកុង) កាលពីរសៀលថ្ងៃទី២៥ ខែសីហា ឆ្នាំ២០១៩។ រថយន្តដឹកថ្មគ្រួស ១គ្រឿង របស់ក្រុមហ៊ុនចិនស្ថាបនាផ្លូវក្នុងឃុំអូរសោម បានធ្វើឱ្យបាក់ស្ពាន ដែលប្រជាពលរដ្ឋធ្វើដំណើររាល់ថ្ងៃ តែមិនបង្កឱ្យមាននរណាម្នាក់ រងរបួសទេ។ សូមបញ្ជាក់ផងដែរថា ស្ពាននេះ អាចផ្ទុកទម្ងន់បានចំនួន ១៥តោន តែបច្ចុប្បន្នមានសភាពចាស់ទ្រុឌទ្រោម ដោយរង់ចាំការជួសជុលស្ថាបនា៕