ក្នុងហ្វេសប៊ុកផេក ឯកឧត្តម គង់ វិមាន អនុរដ្ឋលេខាធិការ ក្រសួងសាធារណការ និងដឹកជញ្ចូនបានបង្ហោះសារកាលពីថ្ងៃទី ៣០ ខែកក្កដា ឆ្នាំ ២០១៩នេះថា​៖ “ចូរឈ្វេងយល់អំពីផ្លូវ ដើម្បីជៀសវាងការបកស្រាយផ្សេងៗខុសគ្នា ..!! ផ្លូវគោកចែកចេញជា ២ប្រភេទគឺ៖ (មិននិយាយពីផ្លូវល្បឿនលឿន) ១). ផ្លូវថ្នល់ និង ២). ផ្លូវដែក ផ្លូវថ្នល់ចែកចេញជា ៤ប្រភេទទៀតគឺ៖ ១). ផ្លូវជាតិ ២). ផ្លូវខេត្ត ៣). ផ្លូវលំ(ផ្លូវជនបទ) និង ៤). ផ្លូវរុក្ខបាល ចំណែកឯគមនាគមន៍គឺមាន៣ប្រភេទ គឺ៖ ១). ផ្លូវគោក ២). ផ្លូវទឹក និង ៣). ផ្លូវអាកាស ។ អ្នកបកស្រាយខុសពីនេះ សូមពិនិត្យផង ដើម្បីកុំអោយមានការយល់ច្រឡំដល់មហាជន..!! ដោយរាប់អាន”៕