ដំណឹងល្អ ការត្រួតពិនិត្យលក្ខណៈបច្ចេកទេសយានជំនិះ(ឆៀក) បានបន្ថែមម៉ោងធ្វើការពីម៉ោង៨ព្រឹក ដល់ម៉ោង១០យប់ --- ដើម្បីជួយសម្រួល និងបង្កើនប្រសិទ្ធភាពនៃការផ្តល់សេវាសាធារណៈជូនបងប្អូនប្រជាពលរដ្ឋមណ្ឌលត្រួតពិនិត្យលក្ខណៈបច្ចេកទេសយានយន្ត(ឆៀក) បានបន្ថែមម៉ោងធ្វើការពីម៉ោង៨ព្រឹក ដល់ម៉ោង១០យប់ ចំនួន៦ទីតាំងមាន ៖ ទីតាំងមណ្ឌលចំការដូង បឹងស្នោ ជ្រោយចង្វា បឹងបៃតង និងឬស្សីកែវ និងមាននៅទីតាំងកំពង់ផែភ្នំពេញដោយបានបញ្ជូនរថយន្តត្រួតពិនិត្យលក្ខណៈបច្ចេកទេស(ឆៀក)ចល័ត ចំនួន២គ្រឿង។ ជាលទ្ធផលមានរថយន្តដែលបានមកត្រួតពិនិត្យលក្ខណៈបច្ចេកទេស(ឆៀក) នៅមណ្ឌលឆៀកទាំង៥ ខាងលើ បានចំនួន 988 គ្រឿង ចាប់ពីម៉ោង៨ព្រឹកដល់ម៉ោង៥ល្ងាច និងពីម៉ោង៥ល្ងាចដល់១០យប់មិនមានរថយន្តមកឡើយ។ សម្រាប់ទីតាំងនៅកំពុងផែភ្នំពេញ រថយន្តបានមកត្រួតពិនិត្យលក្ខណៈបច្ចេកទេស(ឆៀក) សរុបស្ថិតិចំនួន ៧គ្រឿង ចាប់ពីម៉ោង៨ព្រឹកដល់ម៉ោង៥ល្ងាច និងពីម៉ោង៥ល្ងាចដល់១០យប់ មានចំនួនសូន្យគ្រឿង។ អាស្រ័យហេតុនេះសូមបងប្អូនប្រជាពលរដ្ឋ និងម្ចាស់យានយន្តទាំងអស់អាចយករថយន្តទៅត្រួតពិនិត្យលក្ខណៈបច្ចេកទេស(ឆៀក) នៅទីតាំងខាងលើតាមកាលកំណត់។ សូមចូលរួមគោរពច្បាប់ចរាចរណ៍ទាំងអស់គ្នា