ការប្រកួតកីឡាហែលទឹក "ជ្រើសរើសជើងឯកយុវជនអាស៊ីអាគ្នេយ៍" លើកទី៤៣ ឆ្នាំ២០១៩ មានការចូលរួមពី កីឡាករ កីឡាការិនីចំនួន ៤០៦រូប មកពី ១០ប្រទេសក្នុងអាស៊ីអាគ្នេយ៍ ក្នុងនោះកីឡាករកម្ពុជាមានចំនួន ២០រូប និងបរទេសមានចំនួន ៣៨៦រូប។ នេះជាព្រឹត្តិការណ៍លក្ខណៈអន្តរជាតិ លើកដំបូងរបស់សហព័ន្ធខ្មែរកីឡាហែលទឹក ក្រោយពីខកខានការរៀបចំតាំងពីឆ្នាំ១៩៦៦ ដែលពេលនោះ កម្ពុជាទទួលធ្វើជាម្ចាស់ផ្ទះកីឡា Games Ganefo អាស៊ីលើកទី១ ហើយការរៀបចំការប្រកួតនាពេលនេះ បានបង្ហាញពីការពង្រឹងទំនាក់ទំនង រឹតចំណងមិត្តភាព សាមគ្គីភាព និងការស្វែងយល់ពីគ្នាទៅវិញទៅមករវាងបណ្តាប្រទេសនានា។ ចូលរួមទស្សនាដោយសេរី និងឥតគិតថ្លៃឱ្យច្រើនកុះករ ចាប់ពីថ្ងៃទី ២៨-៣០ ខែមិថុនា ឆ្នាំ២០១៩ ដើម្បីលើកទឹកចិត្តដល់កីឡាករ កីឡាការិនីវ័យក្មេងរបស់កម្ពុជា។ :::ទីតាំង៖ អាងហែលទឹកមរតកតេជោ មហាវិថីឈ្នះ ឈ្នះទល់មុខវិមានឈ្នះ ឈ្នះ រាជធានីភ្នំពេញ :::ព័ត៌មានបន្ថែម៖ - 012 963 766 - 010 963 766