កិច្ចប្រជុំស្តីអំពីការបង្កើតគណៈកម្មាធិការសម្របសម្រួលទទួលបន្ទុកសសរស្តម្ភទី១(ACMECS) --- ថ្ងៃព្រហស្បតិ៍ ៥រោច ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៧ ខែធ្នូ ឆ្នាំ២០១៨ នៅទីស្ដី ការក្រសួងសាធារណការ និងដឹកជញ្ជូន ឯកឧត្តម តូច ចាន់ កុសល រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំស្តីពីការបង្កើតគណៈកម្មាធិការសម្របសម្រួលទទួលបន្ទុក សសរស្តម្ភទី១ (ACMECS) ដោយមានការចូលរួមពីថ្នាក់ដឹកនាំក្រសួង និងតំណាងមកពីបណ្តាក្រសួង-ស្ថាប័នផ្សេងៗ។ កិច្ចប្រជុំនេះផ្តោតជាសំខាន់លើការបង្កើតគណៈកម្មាធិការសម្របសម្រួលសម្រាប់សសរស្តម្ភទី១ស្តីពីការតភ្ជាប់ហេដ្ឋារចនាសម្ព័ន្ធដោយរលូន ការកំណត់ជ្រើសរើសគម្រោងអាទិភាពចំនួនពីរ(សម្រាប់សសរស្តម្ភទី១) ដើម្បីដាក់បញ្ចូលក្នុងផែនការមេឆ្នាំ២០១៩-២០២៣ និងការពិនិត្យនិងផ្តល់យោបល់លើលក្ខ ខណ្ឌការងារសម្រាប់ដៃគូអភិវឌ្ឍន៍។ គួរកត់សម្គាល់ថា៖ កិច្ចប្រជុំកំពូលACMECSលើកទី៨ ដែលប្រទេសថៃជាប្រធាន ប្រព្រឹត្តទៅនៅទីក្រុង បាងកក ប្រទេសថៃ កាលពីថ្ងៃទី១៦ ខែមិថុនា ឆ្នាំ២០១៨ បានសម្រេចលើឯកសារចំនួនពីររួមមាន៖សេចក្តីថ្លែងការណ៍ទីក្រុងបាំងកក និងផែនការមេACMECS២០១៩-២០២៣ ដែលមានបីសសរស្តម្ភ ក្នុងនោះក្រសួងសាធារណការ និងដឹកជញ្ជូនទទួលបន្ទុកសសរស្តម្ភទី១។ ឯកឧត្តមរដ្ឋលេខាធិការ បានគូសបញ្ជាក់ថា៖ ក្នុងការទទួលបន្ទុកសសរស្តម្ភទី១ មានសមាសភាពពីអន្តរ ក្រសួងចំនួន០៥ទៀតជាសមាជិកនៅក្នុងគណៈកម្មាធិការសម្របសម្រួលនេះ ដែលក្នុងនោះរួមមាន៖ ក្រសួងសាធារណការនិងដឹកជញ្ជូន ក្រសួងអភិវឌ្ឍន៍ជនបទ រដ្ឋលេខាធិការដ្ឋានអាកាសចរស៊ីវិល ក្រសួង ប្រៃសណីយ៍ និងទូរគមនាគមន៍ ក្រសួងរ៉ែនិងថាមពល និងក្រសួងការបរទេស និងសហប្រតិបត្តិការ អន្តរជាតិ។ ជាមួយគ្នានេះផងដែរ ឯកឧត្តមរដ្ឋលេខាធិការ បានស្នើឱ្យតំណាងមកពីបណ្តាក្រសួង-ស្ថាប័នផ្សេងៗ រាយ ការណ៍ជូនថ្នាក់ដឹកនាំរបស់ខ្លួន ដើម្បីផ្តល់សមាសភាព ដាក់បញ្ជូលក្នុងគណៈកម្មាធិការសម្របសម្រួល សសរស្តម្ភទី១ និងផ្តល់នូវគម្រោងអាទិភាព ដើម្បីគណៈកម្មាធិការពិនិត្យសម្រេចបញ្ចូលទៅក្នុងផែនការ មេ ACMECS២០១៩-២០២៣៕