[Khmer share] - មន្ទីរសាធារណការ អំពាវនាវឲ្យពលរដ្ឋ ប្រញាប់ផ្ញើររូបថតផ្លូវខូច ដើម្បីក្រុមការងារបានជួសជុលជូន ក្នុងយុទ្ធនាការទ្រង់ទ្រាយធំ
2018-12-23
ទៅកាន់ទំព័រចុះផ្សាយក្នុង Khmer share
រដ្ឋបាលរាជធានីភ្នំពេញបានធ្វើការអំពាវនាវអោយប្រជាពលរដ្ឋចូលរួមសហការប្រាប់ផ្តល់ព័ត៌មានទីតាំងជង្ហុកដែលបងប្អូនឃើញ ដោយភ្ជាប់ជាមួយរូបភាពបញ្ជាក់នូវទីតាំងភូមិសាស្ត្រ ផ្លូវ សង្កាត់ និងខណ្ឌឱ្យបានច្បាស់លាស់ ដើម្បីក្រុមការងារងាយស្រួលដោះស្រាយជួសជុលជូន ខណៈដែលយុទ្ធនាការជួសជុលជង្ហុក (គ្រលុកសម្បុកមាន់) តាមដងផ្លូវសាធារណៈបាននឹងកំពុងចាប់ផ្តើមជាទ្រង់ទ្រាយធំ។
លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញបានប្រាប់ ឱ្យដឹងថា យុទ្ធនាការជួសជុលជង្ហុក (គ្រលុកសម្បុកមាន់) តាមដងផ្លូវសាធារណៈបានចាប់ផ្តើមហើយ ដូចជាសកម្មភាពជួសជុលគ្រលុកសំបុកមាន់នៅផ្លូវលេខ៥៥២ ផ្លូវលេខ២៧១ និងផ្លូវលេខ២៧៣ ចុះទៅម្តុំទួលសង្កែ។
លោក សាំ ពិសិដ្ឋ បានបន្ថែមទៀតថា យោងតាមណែនាំរបស់លោក ឃួង ស្រេង អភិបាលរាជធានី កន្លងមកនេះការជួសជុលគ្រលុកសំបុកផ្លូវក្នុងខណ្ឌ៤ក្នុងក្រុង មានខណ្ឌចំការមន ៧មករា ទួលគោក និងដូនពេញ គិតត្រឹមថ្ងៃនេះសម្រេចបាន ៩០%រួចហើយ នៅសល់ជង្ហុកតិចតួចប៉ុណ្ណោះ ដែលយើងកំពុងជួសជុលចំនួន ៦ក្រុម និងក៏មានក្រុមអ៊ុតកៅស៊ូថ្នល់ចំនួន ២៣ខ្សែក៏កំពុងចាប់ផ្តើម។ ឯខណ្ឌជាយក្រុង យើងមានក្រុមជួសជុលផ្លូវបេតុង ១ក្រុម ហើយយើងនឹងបង្កើនឱ្យដល់ ៤ក្រុមឆាប់ៗនេះ។
ប្រធានមន្ទីររូបនេះបញ្ជាក់ថា កាលពីថ្ងៃ២១ ធ្នូ ២០១៨ យើងចុះជួសជុល និងអ៊ុតកៅស៊ូផ្លូវលេខ ១៣៨ ២០៤ . ៣០៦ . ៤០០ . ១៨០០ ផ្លូវជាតិលេខ៥ ផ្លូវជាតិលេខ៦ ផ្លូវបេតុងអង្គតាមិញ និងវត្តភ្នំ ជួសជុលអ៊ុតកៅស៊ូផ្លូូវលេខ ២០៤ ក្នងខណ្ឌទួលគោក ។ដូច្នេះក្នុងនាមរដ្ឋបាលរាជធានីភ្នំពេញ លោកសូមអោយបងប្អូនចូលរួមផ្តល់ព័ត៌មានទីតាំងជង្ហុកដែលបងប្អូនឃើញ ដោយភ្ជាប់ជាមួយរូបភាពបញ្ជាក់នូវទីតាំងភូមិសាស្ត្រ ផ្លូវ សង្កាត់ និងខណ្ឌឱ្យបានច្បាស់លាស់ ដើម្បីក្រុមការងារងាយស្រួលដោះស្រាយជួសជុលជូន៕
