ស្ពានមិត្តភាព កម្ពុជា-ចិន មេគង្គ ក្រចេះ ប្រវែង ១.៧៦១ម៉ែត្រ ត្រូវបានចុះត្រួតពិនិត្យលក្ខណ:បច្ចេកទេស ដើម្បីធានាបាននូវគុណភាពរឹងមាំ សុវត្ថិភាព និងអាចប្រើប្រាស់បានយូរអង្វែង ក្រុមការងារ ក្រសួងសាធារណការ និងដឹកជញ្ជូន បានចុះត្រួតពិនិត្យលក្ខណៈបច្ចេកទេសលម្អិត និងពិធីប្រគល់-ទទួល ស្ពានមិត្តភាពកម្ពុជា-ចិន មេគង្គ ក្រចេះ និងផ្លូវតភ្ជាប់ បន្ទាប់ពីសាងសង់សម្រេចបាន ១០០% ដែលតភ្ជាប់ការធ្វើដំណើររវាងស្រុកចិត្របុរី នៅត្រើយខាងកើត និងស្រុកព្រែកប្រសព្វ នៅត្រើយខាងលិច ខេត្តក្រចេះ មានស្ពានប្រវែង ១.៧៦១ ម៉ែត្រ ទទឹង ១៣,៥ ម៉ែត្រ និងផ្លូវតភ្ជាប់ប្រវែងសរុប ៣១,៦៩ គីឡូម៉ែត្រ ផ្លូវមេតភ្ជាប់ និងផ្លូវខ្នែងចំនួន ៤ខ្សែ។ ស្ពាននេះ គឺជាសមិទ្ធផលថ្មីមួយទៀតក្នុងការអភិវឌ្ឍហេដ្ឋារចនាសម្ព័ន្ធដឹកជញ្ជូនរបស់កម្ពុជា ដែលជាសំណង់យុទ្ធសាស្ត្រដ៏សំខាន់ រួមចំណែកពង្រឹងបណ្តាញដឹកជញ្ជូនជាតិ និងការតភ្ជាប់រវាងតំបន់កណ្តាល និងភូមិភាគឦសានលើកកម្ពស់ប្រសិទ្ធភាពនៃការដឹកជញ្ជូនទំនិញ ទិន្នផលកសិកម្ម និងផលិតផលកសិ-ឧស្សាហកម្ម ជំរុញការអភិវឌ្ឍវិស័យទេសចរណ៍ ការវិនិយោគ ប្រព័ន្ធឡូជីស្ទីក និងសកម្មភាពសេដ្ឋកិច្ច-សង្គមនៅតាមបណ្តោយតំបន់តភ្ជាប់ សំដៅលើកកម្ពស់គុណភាពជីវភាពរស់នៅរបស់ប្រជាពលរដ្ឋ។