កិច្ចប្រជុំលើគម្រោង Cambodia-Sanitation (CB-SAN) ក្នុងការគ្រប់គ្រងទិន្នន័យ និងការធ្វើបរិវត្តកម្មឌីជីថល ផ្ដោតទៅលើការកសាងសមត្ថភាពធនធានមនុស្ស សម្រាប់ការគ្រប់គ្រងទឹកកខ្វក់នៅទូទាំងព្រះរាជាណាចក្រកម្ពុជា ទីស្ដីការក្រសួង៖ នាថ្ងៃអង្គារ ទី៧ ខែកក្កដា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំលើគម្រោង Cambodia-Sanitation (CB-SAN) ជាមួយក្រុមការងារធនាគារអភិវឌ្ឍន៍អាស៊ី(ADB) ក្រុមការងាររបស់ វិទ្យាស្ថាន AgroParisTech និងSparkoper តាមរយៈប្រព័ន្ធវីដេអូពីចម្ងាយ ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ លោកប្រធាននាយកដ្ឋាន-អនុប្រធាននាយកដ្ឋាន និងមន្រ្តីបច្ចេកទេសនៃអគ្គនាយកដ្ឋានប្រព័ន្ធចម្រោះទឹកកខ្វក់ ។ កិច្ចប្រជុំនេះរៀបចំឡើងគឺដើម្បីពិនិត្យពិភាក្សាលើការរៀបចំគម្រោងសមាសភាគចំនួនពីរ រួមមាន៖ ការគ្រប់គ្រងទិន្នន័យ និងការធ្វើបរិវត្តកម្មឌីជីថល (Data Management & Digitalization) និងការកសាងសមត្ថភាពធនធានមនុស្ស (Human Resources Capacity Building) សម្រាប់ការគ្រប់គ្រងទឹកកខ្វក់នៅទូទាំងព្រះរាជាណាចក្រកម្ពុជា ក្នុងភាពជាដៃគូរវាងក្រសួងសាធារណការ និងដឹកជញ្ជូន ជាមួយនឹងវិទ្យាស្ថាន AgroParisTech, Sparkoper និង ADB (ធនាគារអភិវឌ្ឍន៍អាស៊ី)៕