អង្គភាពជំនាញនៃក្រសួងសាធារណការ និងដឹកជញ្ជូន អញ្ជើញចូលរួមកិច្ចប្រជុំពិភាក្សាលើសំណើគម្រោងអាទិភាព (Hearing Session) ក្របខ័ណ្ឌហិរញ្ញប្បទានអភិវឌ្ឍន៍ផ្លូវការរបស់រដ្ឋាភិបាលជប៉ុន សម្រាប់ឆ្នាំសារពើពន្ធ ២០២៧ ទីស្តីការក្រុមប្រឹក្សាអភិវឌ្ឍន៍កម្ពុជា៖ កាលពីថ្ងៃទី២ ខែកក្កដា ឆ្នាំ២០២៦ ប្រតិភូក្រសួងសាធារណការ និងដឹកជញ្ជូន បានចូលរួមកិច្ចប្រជុំដើម្បីពិភាក្សាលើសំណើគម្រោងអាទិភាព (Hearing Session) របស់ក្រសួង ដើម្បីស្នើសុំទៅកាន់ភាគីជប៉ុនតាមរយៈក្របខ័ណ្ឌហិរញ្ញប្បទានអភិវឌ្ឍន៍ផ្លូវការរបស់រដ្ឋាភិបាលជប៉ុន សម្រាប់ឆ្នាំសារពើពន្ធ ២០២៧ ដែលក្នុងនោះមានគម្រោងអាទិភាពចំនួន ៧ ដែលត្រូវបានលើមកពិភាក្សា ក្រោមការដឹកនាំដោយ ឯកឧត្តម អ៉ឹម សួរ អគ្គលេខាធិការរងគណៈកម្មាធិការសហប្រតិបត្តិការអភិវឌ្ឍន៍កម្ពុជានៃក្រុមប្រឹក្សាអភិវឌ្ឍន៍កម្ពុជា (គ.ស.អ.ក/ក.អ.ក.) តំណាងស្ថានទូតជប៉ុនប្រចាំនៅកម្ពុជា និងតំណាងទីភ្នាក់ងារសហប្រតិបត្តិការអន្តរជាតិជប៉ុន (JICA) ប្រចាំកម្ពុជា៕