កិច្ចប្រជុំបូកសរុបលទ្ធផលនៃបេសកកម្មគាំទ្រការអនុវត្តគម្រោងលើកទី៦ នៃគម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងផ្លាស្ទិក ក្រោមក្របខណ្ឌហិរញ្ញប្បទានពីធនាគារពិភពលោក(WB) ទីស្តីការក្រសួងមហាផ្ទៃ៖ នារសៀលថ្ងៃពុធ ទី២៤ ខែមិថុនា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំក្រុមការងារគម្រោង ចូលរួមកិច្ចប្រជុំអន្តរក្រសួងស្ដីពី “កិច្ចប្រជុំបូកសរុបលទ្ធផលនៃ បេសកកម្មគាំទ្រការអនុវត្តគម្រោងលើកទី៦ នៃគម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងផ្លាស្ទិក ក្រោមក្របខណ្ឌហិរញ្ញប្បទានពីធនាគារពិភពលោក ” ជាមួយលោកស្រី Katelijn Van den Berg អ្នកឯកទេសជាន់ខ្ពស់ ផ្នែកបរិស្ថាន និងជាប្រធានក្រុមការងារបេសកកម្មធនាគារពិភពលោក ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ លោកប្រធានគ្រប់គ្រងគម្រោង និងសមាជិកអង្គភាពគ្រប់គ្រងគម្រោងនៃក្រសួងសាធារណការ និងដឹកជញ្ជូន ឯកឧត្តម-លោកជំទាវ ដែលជាសមាជិក-សមាជិកា តំណាងក្រសួងមហាផ្ទៃ ក្រសួងបរិស្ថាន ក្រសួងសេដ្ឋកិច្ច និងហិរញ្ញវត្ថុ និងស្ថាប័ន-អង្គភាពពាក់ព័ន្ធ ។ កិច្ចប្រជុំនេះរៀបចំឡើងក្នុងគោលបំណងដើម្បីពិនិត្យ និងបូកសរុបលទ្ធផលរបាយការណ៍នៃបេសកកម្មបច្ចេកទេសគាំទ្រការអនុវត្តគម្រោងលើកទី៦របស់ក្រុមការងារធនាគារពិភពលោក(World Bank) ដែលបានប្រព្រឹត្តទៅ ចាប់ពីថ្ងៃទី១៥ ដល់ថ្ងៃទី២៥ ខែមិថុនា ឆ្នាំ២០២៦ និងការវាយតម្លៃអំពីវឌ្ឍនភាពការងារដែលបានអនុវត្តនាពេលកន្លងមក ក្នុងការផ្ដល់នូវផែនការសកម្មភាពសំខាន់ៗសម្រាប់ពន្លឿន និងកែលម្អការអនុវត្តគម្រោងដើម្បីឆ្ពោះទៅសម្រេចបាននូវលទ្ធផលកាន់តែល្អប្រសើរ និងទាន់ពេលវេលាកំណត់នៃកិច្ចសន្យាគម្រោង៕