កិច្ចប្រជុំផ្សព្វផ្សាយការបំពាក់ឧបករណ៍តាមដានចរាចរណ៍រថយន្ត ទីស្តីការក្រសួង៖ នាថ្ងៃពុធ ទី៣ ខែមិថុនា ឆ្នាំ២០២៦ ឯកឧត្តម នឹម សុធា អនុរដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំផ្សព្វផ្សាយការបំពាក់ឧបករណ៍តាមដានចរាចរណ៍រថយន្ត ដោយមានការអញ្ជើញចូលរួមពី ឯកឧត្តមអគ្គនាយកដឹកជញ្ជូនផ្លូវគោក អគ្គនាយករង លោក លោកស្រីប្រធាននាយកដ្ឋាន តំណាងសមាគមដឹកជញ្ជូនទំនិញកម្ពុជា សមាគមដឹកជញ្ជូនអ្នកដំណើរ និងភស្តុភារកម្ពុជា តំណាងក្រុមហ៊ុន និងមន្ត្រីសរុបប្រមាណ ២៣រូប។ គោលបំណង នៃកិច្ចប្រជុំបានផ្ដោតសំខាន់ៗមួយចំនួនមានដូចខាងក្រោម៖ (១). ធ្វើការផ្សព្វផ្សយពីអត្ថប្រយោជន៍ និងចំណុចសំខាន់ៗនៃការបំពាក់កាមេរ៉ាភ្ជាប់ជាមួយឧបករណ៍តាមដានចរាចរណ៍រថយន្ត (២).ជំរុញ និងលើកទឹកចិត្តក្រុមហ៊ុនធ្វើការសាកល្បងបំពាក់ឧបករណ៍តាមដានចរាចរណ៍រថយន្ត និង (៣). ជំរុញឱ្យសមាគមដឹកជញ្ជូនទំនិញ និងអ្នកដំណើរ ប្រមូលអ្នកបើកបរ ដើម្បីចូលរួមវគ្គបណ្តុះបណ្តាលច្បាប់ស្តីពីចរាចរណ៍ផ្លូវគោក៕