កិច្ចប្រជុំបើកកម្មវិធីធ្វើអធិការកិច្ចហិរញ្ញវត្ថុលើការគ្រប់គ្រង ការអនុវត្តចំណូល-ចំណាយថវិការដ្ឋ ការគ្រប់គ្រងទ្រព្យសម្បត្តិរដ្ឋក្នុងការិយបរិច្ឆេទ២០២៥ និងឆ្នាំពាក់ព័ន្ធ ទីស្ដីការក្រសួង៖ នាព្រឹកថ្ងៃពុធ ទី៣ ខែមិថុនា ឆ្នាំ២០២៦ ឯកឧត្ដម កែន រដ្ឋា អគ្គនាយក នៃអគ្គនាយកដ្ឋានរដ្ឋបាល និងហិរញ្ញវត្ថុ ប្រធានប្រតិភូតំណាងក្រសួងសាធារណការ និងដឹកជញ្ជូន និងលោកស្រី ម៉ៅ ពុទ្ធី អគ្គាធិការរង នៃអគ្គាធិការដ្ឋាន ប្រធានប្រតិភូតំណាងក្រសួងសេដ្ឋកិច្ច និងហិរញ្ញវត្ថុ បានអញ្ជើញដឹកនាំកិច្ចប្រជុំបើកកម្មវិធីធ្វើអធិការកិច្ចហិរញ្ញវត្ថុលើការគ្រប់គ្រង ការអនុវត្តចំណូល-ចំណាយថវិការដ្ឋ ការគ្រប់គ្រងទ្រព្យសម្បត្តិរដ្ឋក្នុងការិយបរិច្ឆេទ២០២៥ និងឆ្នាំពាក់ព័ន្ធ ដោយមានការចូលរួមពីថ្នាក់ដឹកនាំអង្គភាពក្រោមឱវាទក្រសួង និងមន្រ្តីជំនាញទទួលបន្ទុកការងារពាក់ព័ន្ធ។ កិច្ចប្រជុំបានពិភាក្សាទៅលើការធ្វើអធិការកិច្ចហិរញ្ញវត្ថុផ្អែកតាមអនុលោមភាពលើការគ្រប់គ្រង ការអនុវត្តចំណូល-ចំណាយថវិការដ្ឋ ការគ្រប់គ្រងទ្រព្យសម្បត្តិរដ្ឋក្នុងការិយបរិច្ឆេទ២០២៥ និងឆ្នាំពាក់ព័ន្ធ របស់ក្រសួងសាធារណការ និងដឹកជញ្ជូន រួមទាំងពិភាក្សាលើការត្រួតពិនិត្យសារឡើងវិញនូវបណ្តាវិធានការរបស់គណៈប្រតិភូអធិការកិច្ចហរិញ្ញវត្ថុ ដែលបានលើកឡើងក្នុងការត្រួតពិនិត្យការិយបរិច្ឆេទ២០២៤៕