កិច្ចប្រជុំពិនិត្យពិភាក្សាលើវឌ្ឍនភាពក្នុងការអនុវត្តគម្រោងឆ្នាំ២០២៦ ក្រោមឥណទានថវិកាជំពូក២១ និងជំពូក៦១ និងស្វែងរកដំណោះស្រាយក្នុងការអនុវត្តគម្រោង ក្នុងបរិបទនៃការកើនទ្បើងតម្លៃប្រេងឥន្ធនៈ តម្លៃសម្ភារៈសំណង់ និងការផ្គង់ផ្គង់ ទីស្តីការក្រសួង៖ នាថ្ងៃពុធ ទី២២ ខែមេសា ឆ្នាំ២០២៦ ឯកឧត្តមអគ្គនាយកសាធារណការ និងឯកឧត្តមអគ្គនាយកបច្ចេកទេស បានដឹកកិច្ចប្រជុំពិនិត្យពិភាក្សាលើវឌ្ឍនភាពក្នុងការអនុវត្តគម្រោងឆ្នាំ២០២៦ ក្រោមឥណទានថវិកាជំពូក២១ និងជំពូក៦១ និងស្វែងរកដំណោះស្រាយក្នុងការអនុវត្តគម្រោង ក្នុងបរិបទនៃការកើនទ្បើងតម្លៃប្រេងឥន្ធនៈ តម្លៃសម្ភារៈសំណង់ និងការផ្គង់ផ្គង់ ដោយមានការចូលរួមពី លោកអគ្គនាយករង អង្គភាពអនុវត្តគម្រោង អង្គភាពត្រួតពិនិត្យគម្រោង ព្រមទាំងមន្ត្រីជំនាញពាក់ព័ន្ធ។ កិច្ចប្រជុំពិភាក្សាខាងលើមានគោលបំណងពិនិត្យលើវឌ្ឍនភាពការអនុវត្តគម្រោងលើតម្លៃប្រេងដែលបានអនុវត្តក្នុងខែមីនា និងពិនិត្យលើទំហំកាងារកំពុងអនុវត្ត និងមិនទាន់បានអនុវត្ត ដែលជួបប្រទះបញ្ហាប្រឈមផ្សេងៗ ដើម្បីរកដំណោះស្រាយ ព្រមទាំងស្នើឱ្យមានរបាយការណ៍លម្អិតរាល់ការចំណាយទៅលើការងារដែលបានអនុវត្តក្នុងអំឡុងពេលប្រេងឡើងថ្លៃក្នុងឆ្នាំ២០២៦ នេះ៕