កិច្ចប្រជុំពិភាក្សាកម្រិតបច្ចេកទេសស្ដីពីការតភ្ជាប់ និងអភិរក្សធនធានទឹក និងដីនៅតាមបណ្ដោយគម្រោងគ្រប់គ្រងធនធានទឹកចម្រុះហ្វូណនតេជោ កំណាត់ទី១ និងទី២ ទីស្តីការក្រសួងធនធានទឹក និងឧតុនិយម៖ នាថ្ងៃអង្គារ ទី៧ ខែមេសា ឆ្នាំ២០២៦ ឯកឧត្ដម អៀង វ៉េងស៊ុន រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំមន្រ្ដីបច្ចេកទេស ចូលរួមកិច្ចប្រជុំពិភាក្សាកម្រិតបច្ចេកទេសស្ដីពីការតភ្ជាប់ និងអភិរក្សធនធានទឹក និងដីនៅតាមបណ្ដោយគម្រោងគ្រប់គ្រងធនធានទឹកចម្រុះហ្វូណនតេជោ កំណាត់ទី១ និងទី២ ក្រោមអធិបតីភាព ឯកឧត្ដម ថោ ជេដ្ឋា រដ្ឋមន្រ្ដីក្រសួងធនធានទឹក និងឧតុនិយម។ កិច្ចប្រជុំនេះមានការចូលរួមពីថ្នាក់ដឹកនាំ មន្រ្ដីបច្ចេកទេសនៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ និងថ្នាក់ដឹកនាំ មន្រ្ដីបច្ចេកទេស នៃក្រសួងធនធានទឹក និងឧតុនិយម តំណាងក្រុមហ៊ុនហ្វូណនតេជោ អ៊ីនឡេន វ័រធើវេយ អេន ឡូជីស្ទីក ឯ.ក (SPC 1) និង (SPC 2) តំណាងក្រុមហ៊ុនសាជីវកម្មស្ពាន និងថ្នល់ចិន (CRBC ) និងក្រុមហ៊ុនសិក្សាគម្រោង ZHEJIANG ។ កិច្ចប្រជុំក៏បានឯកភាពបង្កើតក្រុមការងារបច្ចេកទេសរួមរវាងក្រសួងសាធារណការ និងដឹកជញ្ជូន និងក្រសួងធនធានទឹក និងឧតុនិយម ដើម្បីសម្របសម្រួលការងារបន្ដជាមួយក្រុមហ៊ុន SPC1 និង SPC2 ក្នុងគោលបំណងជំរុញការអនុវត្ដគម្រោងនេះឱ្យមានប្រសិទ្ធភាពខ្ពស់ ជាពិសេសជំរុញប្រសិទ្ធភាព នៃការប្រើប្រាស់ធនធានទឹកពីព្រែកជីកហ្វូណនតេជោ ក្នុងការលើកកម្ពស់ជីវភាពរស់នៅរបស់ប្រជាពលរដ្ឋ និងសហគមន៍មូលដ្ឋានដែលរស់តាមបណ្ដោយព្រែកជីកនេះឱ្យកាន់តែប្រសើរឡើងបន្ថែមមួយកម្រិតទៀត៕