គណ:ប្រតិភូក្រសួងទស្សនកិច្ចសិក្សានៅទីក្រុងសៀងហៃ នៃសាធារណរដ្ឋប្រជាមានិតចិន ទីក្រុងសៀងហៃ៖ នាថ្ងៃព្រហស្បតិ៍ ទី២៦ ខែមីនា ២០២៦ លោកជំទាវ កុយ សុដានី រដ្ឋលេខាធិការប្រចាំការ ក្រសួងសាធារណការ និងដឹកជញ្ជូន បានដឹកនាំគណ:ប្រតិភូក្រសួង ជួបពិភាក្សាការងារជាមួយលោក Easonl Lin នាយកតំបន់ការដឹកជញ្ជូន និងជំនួញសេរីពិសេស Yangshan នៅមជ្ឈមណ្ឌលកណ្តាលសេវាកម្មដឹកជញ្ជូនតាមផ្លូវសមុទ្រសកល នៅទីក្រុងសៀងហៃ នៃសាធារណរដ្ឋប្រជាមានិតចិន។ កិច្ចពិភាក្សាបានផ្តោតសំខាន់លើការអភិវឌ្ឍវិស័យដឹកជញ្ជូនតាមផ្លូវសមុទ្រ ដូចជាពិនិត្យលទ្ធភាពនៃកិច្ចសហប្រតិបត្តិការរវាងកំពង់ផែ ការបណ្តុះបណ្តាលនាវិក ការដឹកជញ្ជូនបៃតង និងការបង្កើតថាមពលថ្មីសម្រាប់ផ្គត់ផ្គង់នាវា ដើម្បីទប់ទល់វិបត្តិប្រេងដែលកំពុងកើនឡើង។ បន្ទាប់ពីកិច្ចពិភាក្សា គណ:ប្រតិភូក្រសួងបានទស្សនាមណ្ឌលប្រព័ន្ធគ្រប់គ្រងកំពង់ផែ និងចំណតនាវា និងមណ្ឌលបណ្តុះបណ្តាលនាវិកតាមប្រព័ន្ធកុំព្យូទ័រ (Simulator)។ សូមជម្រាបជូនផងដែរថា ជំនួបពិភាក្សានេះជាផ្នែកមួយដំណើរទស្សនកិច្ចសិក្សានៅទីក្រុងសៀងហៃ នៃសាធារណរដ្ឋប្រជាមានិតចិន ដែលប្រព្រឹត្តទៅចាប់ពីថ្ងៃទី២៥ ដល់ថ្ងៃទី៣០ ខែមីនា ឆ្នាំ២០២៦៕