ដោយសារតម្លៃប្រេងឥន្ធនៈស្ទុះឡើងខ្លាំង ហើយបរិមាណស្តុកនៅតំបន់មិនច្បាស់លាស់ ហើយតម្លៃអគ្គិសនី ត្រូវបានរដ្ឋប្រកាសធានាមិនដំឡើងនោះ អ្នកលក់រថយន្តអគ្គីសនីរំពឹងថា សន្ទុះនៃការលក់របស់ពួកគេនឹងស្ទុះឡើងខ្លាំងនៅខែមីនានេះ ។អ្នកលក់រថយន្តអគ្គិសនីមួយរូប ដែលសុំមិនបញ្ចេញអត្តសញ្ញាណបាននិយាយនៅក្នុងពិព័រណ៍រថយន្តប្រចាំឆ្នាំ ដ៏ធំបំផុតឆ្នាំ២០២៦ កាលពីថ្ងៃទី០៨ ខែមីនា ឆ្នាំ២០២៦ថា មានអ្នកសួរអំពីរថយន្តអគ្គិសនីច្រើន នៅក្នុងអំឡុងពេលពិពណ៌ ។អ្នកជំនាញលក់រូបនោះបានលើកឡើងថា កន្លងមកអតិថិជន នៅក្នុងស្រុកចាប់អារម្មណ៍នឹងរថយន្តប្រើប្រេងឥន្ធនៈច្រើន ប៉ុន្តែពេលសាំងឡើងថ្លៃ មានអ្នកសួរ និងចាប់អារម្មណ៍នឹងរថយន្តអគ្គិសនី។ តាមរបាយការណ៍របស់ក្រសួងសាធារណការ និងដឹកជញ្ជូនបានឱ្យដឹងថា គិតដល់ឆ្នាំ២០២៥ នៅកម្ពុជាមានយានយន្តអគ្គិសនីសរុបចំនួន៩.០៦៥ គ្រឿង នៅក្នុងនោះ ម៉ូតូអគ្គិសនីចំនួន៣.២០៣ គ្រឿង និងយានយន្តកង់បី៧00គ្រឿង ។ ដូច្នេះរថយន្តអគ្គិសនី មានប្រមាណជាជាង៥ពាន់គ្រឿង ៕