កិច្ចប្រជុំពិនិត្យ និងពិភាក្សាឡើងវិញលើពង្រាងស្ដីអំពីសន្តិសុខទឹកជាតិ ដើម្បីពង្រឹងកិច្ចសហប្រតិបត្តិការបច្ចេកទេស គ្រប់គ្រងធនធានទឹក និងធានាសន្តិសុខទឹកជាតិសម្រាប់កម្ពុជាឱ្យកាន់តែមានប្រសិទ្ធភាព ទីស្ដីការក្រសួង៖ នាថ្ងៃចន្ទ ទី៩ ខែមីនា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិនិត្យ និងពិភាក្សាឡើងវិញ លើពង្រាងស្ដីអំពីសន្តិសុខទឹកជាតិ ដើម្បីពង្រឹងកិច្ចសហប្រតិបត្តិការបច្ចេកទេសគ្រប់គ្រងធនធានទឹក និងធានាសន្តិសុខទឹកជាតិសម្រាប់កម្ពុជាឱ្យកាន់តែមានប្រសិទ្ធភាព ជាមួយលោក កូវ ភីរម្យ តំណាងធនាគារពិភពលោក ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក លោកអគ្គនាយករង ថ្នាក់ដឹកនាំ និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់។ កិច្ចប្រជុំនេះរៀបចំឡើងគឺ ដើម្បីពិនិត្យ និងពិភាក្សាឡើងវិញ លើពង្រាងស្ដីអំពីសន្តិសុខទឹកជាតិសម្រាប់កម្ពុជា ក្នុងការពង្រឹងកិច្ចសហប្រតិបត្តិការបច្ចេកទេស គ្រប់គ្រងធនធានទឹក និងធានាសន្តិសុខទឹកជាតិសម្រាប់កម្ពុជាឱ្យកាន់តែមានប្រសិទ្ធភាព៕