ចែកចង្រ្កានបង្កើនថាមពលព្រៃមាន់ជូនដល់ប្រជាពលរដ្ឋចំនួន ៣២៥៣គ្រួសារ នៅឃុំស្រែខ្ទុម មណ្ឌលគិរី៖ នារសៀលថ្ងៃព្រហស្បតិ៍ ទី១៩ ខែកុម្ភៈ ឆ្នាំ២០២៦ ឯកឧត្ដម សួន សុខឃីម រដ្ឋលេខាធិការ ក្រសួងផែនការ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកកែវសីមា តំណាងឯកឧត្តម ទិន ពន្លក រដ្ឋលេខាធិការ ក្រសួងបរិស្ថាន ប្រធានក្រុមការងាររាជរដ្ឋាភិបាលចុះមូលដ្ឋានស្រុកកែវសីមា បានអញ្ជើញជាអធិបតីក្នុងពិធីចែកចង្ក្រានថាមពលជូនប្រជាពលរដ្ឋចំនួន៣២៥៣ចង្ក្រាន ស្មើនឹង៣២៥៣គ្រួសារ។ ពិធីនេះមានការអញ្ជើញចូលរួមពីសំណាក់ ឯកឧត្ដម សាខុន ប៉ូរិន អគ្គលេខាធិការរង និងជាប្រធានបណ្តាញសង្គមស៊ីវិល លោក សាន់ ដារិទ្ធ អភិបាលរង នៃគណៈអភិបាលខេត្ត តំណាងឯកឧត្តម ថង សាវុន អភិបាល នៃគណៈអភិបាលខេត្ត លោកអភិបាលស្រុក លោកអគ្គនាយករង លោកប្រធានមន្ទី លោកលោកស្រីសមាជិកក្រុមប្រឹក្សាស្រុក លោកអភិបាលរងស្រុកលោកនាយករដ្ឋបាលស្រុក លោកអធិការ លោកមេបញ្ជាការទាំងពីរ លោកប្រធានការិយាល័យជំនាញ លោកមេឃុំ លោកនាយប៉ុស្តិ៍នគរបាល លោកមេភូមិ សសយក និងបងប្អូនប្រជាពលរដ្ឋសរុបប្រមាណ ៣២៨៣ នាក់ ដោយកម្មវិធីប្រព្រឹត្តទៅនៅសាលាឃុំស្រែខ្ទុម ស្រុកកែវសីមា ក្រោមការឧបត្ថម្ភគាំទ្រដោយក្រុមហ៊ុន Guangzhou Iceberg Environmental Consulting Service Co.LTD៕