ចែកចង្រ្កានបង្កើនថាមពលព្រៃមាន់ជូនដល់ប្រជាពលរដ្ឋចំនួន ១៣៣៦គ្រួសារ នៅក្រុងសែនមនោរម្យ មណ្ឌលគិរី៖ នាព្រឹកថ្ងៃសៅរ៍ ទី១៧ ខែមករា ឆ្នាំ២០២៦ លោក ច័ន្ទធី សុជីវ៉ា អគ្គនាយករង នៃអគ្គនាយកដ្ឋានសាធារណការ ក្រសួងសាធារណការ និងដឹកជញ្ជូន តំណាង ឯកឧត្តម ហេង រត្នពិសិដ្ឋ អគ្គនាយក នៃអគ្គនាយកដ្ឋានសាធារណការ ក្រសួងសាធារណការ និងដឹកជញ្ជូន សមាជិកក្រុមការងាររាជរដ្ឋាភិបាលចុះមូលដ្ឋានខេត្តមណ្ឌលគិរី បានអញ្ជើញជាអធិបតីក្នុងពិធីចែកចង្រ្កានបង្កើនថាមពលព្រៃមាន់ជូនដល់ប្រជាពលរដ្ឋចំនួន ១៣៣៦គ្រួសារ ដោយក្នុងមួយគ្រួសារទទួលបានចង្ក្រានមួយ។ ក្នុងពិធីនេះមានការអញ្ជើញចូលរួមពីសំណាក់ឯកឧត្តម សាខុន ប៉ូរិន អគ្គលេខាធិការរង និងជាប្រធានបណ្តាញសង្គមស៊ីវិលកម្ពុជា (CCN) និងជាតំណាងក្រុមហ៊ុន Guangzhou Iceberg Environmental Consulting Service Co.,Ltd លោក ចាយ ថៃ ប្រធានក្រុមប្រឹក្សាក្រុងសែនមនោរម្យ លោក ហៀក សុផាន អភិបាលក្រុងសែនមនោរម្យ លោក លោកស្រី ប្រធាន អនុប្រធានមន្ទីរ អង្គភាពជុំវិញខេត្ត លោក លោកស្រី ចៅសង្កាត់ ចៅសង្កាត់រងស្ពានមានជ័យ និងថ្នាក់ដឹកនាំភូមិ។ ពិធីនេះបានធ្វើឡើងនៅបរិវេណសាលាសង្កាត់ស្ពានមានជ័យ៕