ចែកចង្រ្កានបង្កើនថាមពលព្រៃមាន់ជូនដល់ប្រជាពលរដ្ឋចំនួន ១៨៥គ្រួសារ នៅសង្កាត់រមនា ស្រុកសែនមនោរម្យ មណ្ឌលគិរី៖ នារសៀលថ្ងៃពុធ ទី១៤ ខែមករា ឆ្នាំ២០២៦ លោក សំ សេរីរ័ត្ន អគ្គនាយករង ក្រសួងអធិការកិច្ច សមាជិកក្រុមការងាររាជរដ្ឋាភិបាលចុះមូលដ្ឋានក្រុងសែនមនោរម្យ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានសង្កាត់រមនា អញ្ជើញជាអធិបតីក្នុងពិធីចែកចង្រ្កានបង្កើនថាមពលព្រៃមាន់ជូនដល់ប្រជាពលរដ្ឋចំនួន ១៨៥គ្រួសារ ដោយក្នុងមួយគ្រួសារទទួលបានចង្ក្រានមួយ នៅបរិវេណសាលាសង្កាត់រមនា ស្រុកសែនមនោរម្យ។ ក្នុងពិធីនេះមានការអញ្ជើញចូលរួមពីសំណាក់លោក សាខុន ប៉ូរិន អគ្គលេខាធិការរង និងជាប្រធានបណ្តាញសង្គមស៊ីវិលកម្ពុជា (CCN) និងជាតំណាងក្រុមហ៊ុន Guangzhou Iceberg Environmental Consulting Service Co.,Ltd លោក ចាយ ថៃ ប្រធានក្រុមប្រឹក្សាក្រុងសែនមនោរម្យ លោក ហៀក សុផាន អភិបាលក្រុងសែនមនោរម្យ លោក លោកស្រី ប្រធាន អនុប្រធានមន្ទីរ អង្គភាពជុំវិញខេត្ត លោកចៅសង្កាត់រងរមនា៕