សិក្ខាសាលាឆ្លុះបញ្ចាំងប្រចាំឆ្នាំ ស្ដីពីការអនុវត្តគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ផ្លាស្ទិក នៅប្រទេសកម្ពុជា ក្រោមក្របខ័ណ្ឌហិរញ្ញប្បទានពីធនាគារពិភពលោក ភ្នំពេញ៖ នាព្រឹកថ្ងៃអង្គារ ទី៩ ខែធ្នូ ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំសមាសភាពអនុវត្តគម្រោង ចូលរួមសិក្ខាសាលាឆ្លុះបញ្ចាំងប្រចាំឆ្នាំ ស្ដីពីការអនុវត្តគម្រោងធ្វើឱ្យប្រសើរឡើងនៃការគ្រប់គ្រងសំរាម សំណល់រឹង និងសំណល់ផ្លាស្ទិក នៅប្រទេសកម្ពុជា ក្រោមក្របខ័ណ្ឌហិរញ្ញប្បទានពីធនាគារពិភពលោក ក្រោមអធិបតីភាព ឯកឧត្តម អ៊ុំ ម៉ារ៉ា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តមសន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ ក្រសួងមហាផ្ទៃ ដោយមានការចូលរួមពី ឯកឧត្តមអនុរដ្ឋលេខាធិការ និងមន្ត្រីសមាជិកអង្គភាពគ្រប់គ្រងគម្រោងនៃក្រសួងទាំង៣ ឯកឧត្តម-លោកជំទាវ លោក-លោកស្រី ជាតំណាងមកពី ក្រសួងទាំង១២ ក្រសួង លោកអភិបាលរងខេត្ត និងលោក លោកស្រី តំណាងមន្ទីរសាធារណការ និងដឹកជញ្ជូនខេត្តបាត់ដំបង កំពង់ស្ពឺ សៀមរាប បាត់ដំបង ព្រះសីហនុ កំពង់ចាម និងខេត្តកណ្ដាល ក្រុមហ៊ុន និងដៃគូអភិវឌ្ឍន៍ដែលពាក់ព័ន្ធ និងក្រុមការងារបេសកម្មរបស់ធនាគារពិភពលោក (World Bank) ដឹកនាំដោយ លោកស្រី Katelijn van den Berg អ្នកឯកទេសជាន់ខ្ពស់ផ្នែកបរិស្ថាន និងជាប្រធានក្រុមការងារបេសកម្ម សរុបចំនួន ១៥០ នាក់។ សិក្ខាសាលានេះរៀបចំឡើងដើម្បីពិនិត្យវឌ្ឍនភាពការអនុវត្តគម្រោង និងបញ្ហាប្រឈមលើការអនុវត្តការងារគម្រោងនៃសមាសធាតុទាំង៣ក្រសួង របស់អង្គភាពអនុវត្តគម្រោង ក្នុងការចែករំលែកបទពិសោធន៍នៃការអនុវត្តគម្រោងគ្រប់គ្រងសំរាម សំណល់រឹង និងការធ្វើបទបង្ហាញអំពីវិសាលភាពការងាររបស់ក្រុមហ៊ុនទីប្រឹក្សាលើកិច្ចប្រតិបត្តិការនៃការគ្រប់គ្រងសំរាម នៃរដ្ឋបាលខេត្ត ក្រុង ស្រុកគោលដៅ ដោយលោកស្រី Katelijn van den Berg អ្នកឯកទេសជាន់ខ្ពស់ផ្នែកបរិស្ថាន ផងដែរ៕