កិច្ចប្រជុំពិភាក្សាអំពីទិដ្ឋភាពបច្ចេកទេសវិស្វកម្ម នៃការសិក្សាសមិទ្ធិលទ្ធភាពលើគម្រោងអភិវឌ្ឍន៍កំណាត់ផ្លូវជាតិលេខ១ និងស្ពានឆ្លងកាត់ទន្លេមេគង្គ ទីស្ដីការក្រសួង៖ នាថ្ងៃសុក្រ ទី២៨ ខែវិច្ឆិកា ឆ្នាំ២០២៥ ឯកឧត្តម តូចចាន់កុសល រដ្ឋលេខាធិការ ក្រសួងសាធារណការ និងដឹកជញ្ជូន អញ្ជើញចូលរួមដឹកនាំប្រជុំពិនិត្យលើទិដ្ឋភាពបច្ចេកទេសវិស្វកម្ម នៃការសិក្សាសមិទ្ធិលទ្ធភាព នៃគម្រោងអភិវឌ្ឍន៍កំណត់ផ្លូវជាតិលេខ១ និងស្ពានឆ្លងកាត់ទន្លេមេគង្គ ជាមួយនឹងក្រុមការងារបច្ចេកទេសជប៉ុន របស់ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA) និងដោយមានការចូលរួមពីឯកឧត្តមអនុរដ្ឋលេខាធិការ លោកប្រធាននាយកដ្ឋានផ្លូវថ្នល់ និងមន្ត្រីបច្ចេកទេសពាក់ព័ន្ធផងដែរ។ កិច្ចប្រជុំនេះផ្ដោតសំខាន់លើការពិភាក្សាអំពីស្ថានភាពកំណាត់ផ្លូវជាតិលេខ១ ទីតាំងចំនុចប្រសព្វសំខាន់ៗ លំហូរចរាចរណ៍ពីរាជធានីភ្នំពេញឆ្ពោះទៅតំបន់អរិយក្សត្រ ស្ពានត្សឹបាសា (ស្ពានអ្នកលឿង) ផ្លូវក្រវាត់ក្រុងទី២ និងតំបន់ជុំវិញ៕