ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន អញ្ជើញចូលរួមកិច្ចប្រជុំស្តីពីការរំដោះទឹកភ្លៀង បញ្ចៀសការជន់លិចនៅភូមិសាស្ដ្ររាជធានីភ្នំពេញ ទីស្តីការក្រសួងរៀបចំដែនដី នគរូបនីយកម្ម និងសំណង់៖ នារសៀលថៃ្ងព្រហស្បតិ៍ ទី២៧ ខែវិច្ឆិកា ឆ្នាំ២០២៥ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញចូលរួមកិច្ចប្រជុំស្តីពីការរំដោះទឹកភ្លៀង បញ្ចៀសការជន់លិចនៅភូមិសាស្ដ្ររាជធានីភ្នំពេញ ក្រោមអធិបតីភាព ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដោយមានការចូលរួមពី ឯកឧត្តម លោកជំទាវ ថ្នាក់ដឹកនាំក្រសួង ក្រសួង-ស្ថាប័នពាក់ព័ន្ធ និងមន្រ្តីជំនាញ។ កិច្ចប្រជុំនារសៀលនេះពិភាក្សាស្វែករកដំណោះស្រាយ ប្រមូលទិន្នន័យ និងរៀបចំផែនទីរួម ដើម្បីរំដោះទឹកភ្លៀង បញ្ចៀសការជន់លិចនៅភូមិសាស្រ្តរាជធានីភ្នំពេញ៕