ដោយមើលឃើញពីទុក្ខលំបាករបស់ប្រជាពលរដ្ឋក្នុងការធ្វើ្វដំណើរឆ្លងកាត់ ការប្រកបរបរផ្សេងៗ និងដោយមានការយកចិត្តទុកដាក់ពីលោក ហ៊ត រដ្ឋា ចៅសង្កាត់ត្រពាំងក្រសាំង អាជ្ញាធរសង្កាត់បានដាក់គ្រឿងចក្រឈូសឆាយស្ថាបនាពីផ្លូវដី ទៅជាផ្លូវបេតុងចំនួន២ខ្សែ សរុបប្រវែងជាង៣០០ម៉ែត្រ ដើម្បីសម្រួលដល់ការធ្វើដំណើររបស់ប្រជាពលរដ្ឋ។អាជ្ញាធរសង្កាត់បានបញ្ជាក់ថា ផ្លូវដែលស្ថាបនាខាងលើនេះ មួយខ្សែស្ថិតក្នុងភូមិសាមគ្គី១ មានប្រវែង១៤៩ម៉ែត្រ ទទឹង៦ម៉ែត្រ និងមួយខ្សែទៀតស្ថិតក្នុងភូមិសាមគ្គី២ មានប្រវែង២០០ម៉ែត្រ ទទឹង៦ម៉ែត្រ ដែលសរុបទាំងពីរខ្សែមានប្រវែងសរុប ៣៤៩ម៉ែត្រ។បើតាមអាជ្ញាធរ ការស្ថាបនាផ្លូវបេតុងក្រាលសសៃដែកខាងលើនេះ គឺជាការអនុវត្តគម្រោងមូលនិធិអភិវឌ្ឍន៍សង្កាត់ឆ្នាំ២០២៥ ហើយមកដល់បច្ចុប្បន្ន ការស្ថាបនារួចរាល់ហើយ៕