វិទ្យាស្ថានតេជោសែន សាធារណការ និងដឹកជញ្ជូន រៀបចំការប្រឡងប្រជែងជ្រើសរើសនិស្សិតជំនាន់ទី៦ ឆ្នាំសិក្សា ២០២៥-២០២៦ ទីស្តីការក្រសួង៖ នាព្រឹកថ្ងៃសៅរ៍ ទី១៥ ខែវិច្ឆិកា ឆ្នាំ២០២៥ វិទ្យាស្ថានតេជោសែន សាធារណការ និងដឹកជញ្ជូន បានរៀបចំការប្រឡងប្រជែងជ្រើសរើសនិស្សិតជំនាន់ទី៦ ឱ្យចូលរៀនឆ្នាំសិក្សាថ្នាក់មូលដ្ឋាន ឆ្នាំសិក្សា ២០២៥-២០២៦ ក្រោមអធិបតីភាព ឯកឧត្តម ប្រាងហង្ស សេរីរិទ្ធ នាយកវិទ្យាស្ថាន និងមានការអញ្ជើញចូលរួមពីសំណាក់ តំណាងនាយកដ្ឋានគ្រប់គ្រងឧត្តមសិក្សា នៃក្រសួងអប់រំ យុវជន និងកីឡា លោកនាយករងវិទ្យាស្ថាន លោក លោកស្រី ប្រធាននាយកដ្ឋាន ថ្នាក់ដឹកនាំ-មន្ត្រីរាជការ លោក លោកស្រី ជាក្រុមការងារចំណុះអនុគណកម្មាការនីមួយៗ នៃគណកម្មាការប្រឡង។ សម្រាប់ការរៀបចំការប្រឡងជ្រើសរើសនិស្សិតជំនាន់ទី៦ នេះធ្វេីឡេីងរយៈពេលមួយព្រឹក លើឯកទេសរួមមាន៖ ឯកទេសសំណង់សាធារណការ និងឯកទេសគ្រប់គ្រងដឹកជញ្ជូន និងភស្តុភារកម្ម និងឯកទេសនាវាចរណ៍។ សូមជម្រាបជូនផងដែរថា៖ វិទ្យាស្ថានបានប្រកាសជ្រេីសរេីសនិស្សិតឱ្យចូលរៀនសម្រាប់ជំនាន់ទី៦ ចំនួន ៣០០នាក់៕