ជំនួបទ្វេភាគីរវាងក្រសួងសាធារណការ និងដឹកជញ្ជូន និងក្រុមការងារបេសកកម្មបច្ចេកទេសលើកទី៤ របស់ធនាគារពិភពលោក ដើម្បីពិនិត្យវឌ្ឍនភាពការអនុវត្តការងារគម្រោង និងផែនការសកម្មភាពអនុវត្តបន្ត សម្រាប់គម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងប្លាស្ទិក នៅប្រទេសកម្ពុជា ទីស្ដីការក្រសួង៖ នារសៀលថ្ងៃព្រហស្បតិ៍ ទី២៣ ខែតុលា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង អញ្ជើញទទួលជួបប្រជុំទ្វេភាគីជាមួយក្រុមការងារបេសកកម្មបច្ចេកទេសលើកទី៤ របស់ធនាគារពិភពលោក (WB) ដឹកនាំដោយ លោកស្រី Katelijn van den Berg អ្នកឯកទេសជាន់ខ្ពស់ផ្នែកបរិស្ថាន និងជាប្រធានក្រុមការងារបេសកកម្ម ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ជានាយករងគម្រោង ប្រធានគ្រប់គ្រងគម្រោង សមាជិកគម្រោង នៃក្រសួងសាធារណការ និងដឹកជញ្ជូន តំណាងក្រសួងសេដ្ឋកិច្ច និងហិរញ្ញវត្ថុ និងក្រុមការងារបេសកកម្មរបស់ធនាគារពិភពលោក ។ កិច្ចប្រជុំធ្វើឡើងដើម្បីពិនិត្យវឌ្ឍនភាពការអនុវត្តការងារគម្រោង និងផែនការសកម្មភាពដើម្បីអនុវត្តបន្ត សម្រាប់គម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងប្លាស្ទិក នៅប្រទេសកម្ពុជា៕