សេចក្តីក្រើនរំលឹកអំពីការពាក់ខ្សែក្រវាត់សុវត្ថិភាពទាំងអ្នកបើកបរ និងអ្នករួមដំណើរ（រួមទាំងអ្នកអង្គុយកៅអីក្រោយ）ទាំងអស់! ខ្សែក្រវាត់សុវត្ថិភាព គឺជាសម្ភារៈដ៏សំខាន់សម្រាប់ការពារអាយុជីវិតរបស់អ្នកបើកបរ និងអ្នករួមដំណើរ（រួមទាំងអ្នកអង្គុយកៅអីក្រោយ។ នៅពេលមានការប៉ះទង្គិចណាមួយកើតឡើង វាអាចជួយទប់ខ្លួននឹងកន្លែងអង្គុយបានភ្លាមៗ ការពារការខ្ទាតចេញពីរថយន្ត ដោយសារនិចលភាពក្នុងល្បឿនលឿនរបស់រថយន្ត និងការពាររាងកាយរំកិលទៅមុខប៉ះចង្កូតឡាន និងវត្ថុផ្សេងៗទៀត។ ជាពិសេសរថយន្តគ្រួសារដែលមានកុមារ អាយុចាប់ពី ១០ ខែទៅក្រោម ៥ ឆ្នាំត្រូវអង្គុយក្នុងកៅអីសម្រាប់កុមារដែលមានខ្សែក្រវាត់សុវត្ថិភាពចងផ្អែកកៅអីឱ្យជាប់ទៅនឹងកៅអីក្រោយនៃរថយន្ត។ ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ សូមអំពាវនាវដល់សាធារណជនទាំងអស់ មិនថាអ្នកបើកបរ ឬអ្នករួមដំណើរ（រួមទាំងអ្នកអង្គុយកៅអីក្រោយ）ទេ ត្រូវពាក់ខ្សែក្រវាត់សុវត្ថិភាពស្របតាមស្តង់ដារក្នុងពេលបើកបរជានិច្ចកាល ហើយអនុវត្តឱ្យបានត្រឹមត្រូវតាមលក្ខខណ្ឌក្នុងការប្រើប្រាស់ផ្លូវល្បឿនលឿន គោរពតាមច្បាប់ចរាចរណ៍ផ្លូវគោក ពិនិត្យមើលផ្លាកសញ្ញាចរាចរណ៍ ដែលមាននៅតាមដងផ្លូវ កុំបើកបរហួសល្បឿនកំណត់ និងកុំបើកបញ្រ្ចាសទិសចរាចរណ៍ ជាពិសេសត្រួតពិនិត្យយានយន្តឱ្យបានគ្រប់ជ្រុងជ្រោយ មុនពេលចេញដំណើរ៕ :: ទំនាក់ទំនង៖ ⁃ ព័ត៌មានពីសេវាកម្ម និងជំនួយសង្រ្គោះបន្ទាន់៖ 1399 / 092 33 1399/ 098 33 1399 ⁃ ព័ត៌មានទូទៅ៖ 1275