ក្រសួងសាធារណការ និងដឹកជញ្ជូន រៀបចំវគ្គបណ្តុះបណ្តាលស្ដីពីការគ្រប់គ្រងស្ថាប័ន និងគោលការណ៍ណែនាំលើនីតិវិធី និងបែបបទស្តីពីការដំឡើងឋានន្តរស័ក្តិ និងថា្នក់ជូនមន្ត្រីរាជការស៊ីវិល ទីស្ដីការក្រសួង៖ នាព្រឹកថ្ងៃព្រហស្បតិ៍ ទី៩ ខែតុលា ឆ្នា២០២៥ ឯកឧត្ដម កែន រដ្ឋា អគ្គនាយកនៃអគ្គនាយកដ្ឋានរដ្ឋបាល និងហិរញ្ញវត្ថុ បានអញ្ជើញមានមតិស្វាគមន៍ និងថ្លែងអំណរគុណចំពោះវាគ្មិនកិត្តិយស-គ្រូឧទ្ទេស និងសិក្ខាកាម ដែលបានចូលរួមវគ្គបណ្តុះបណ្តាលស្ដីពីការគ្រប់គ្រងស្ថាប័ន និងគោលការណ៍ណែនាំលើនីតិវិធី និងបែបបទស្តីពីការដំឡើងឋានន្តរស័ក្តិ និងថា្នក់ជូនមន្ត្រីរាជការស៊ីវិល។ វគ្គបណ្តុះបណ្តាលនេះ មានគោលបំណងផ្ដល់ចំណេះដឹង និងការស្វែងយល់បន្ថែមលើការគ្រប់គ្រងស្ថាប័ន និងបែបបទស្តីពីការដំឡើងឋានន្តរស័ក្តិ និងថ្នាក់សម្រាប់មន្រ្តីរាជការស៊ីវិល ដើម្បីលើកកម្ពស់ប្រសិទ្ធភាពការងាររបស់មន្រ្តីនិងអង្គភាពក្រោមឱវាទក្រសួងឱ្យកាន់តែល្អប្រសើរ និងបង្កើនការយល់ដឹងអំពីអត្ថប្រយោជន៍ផ្សេងៗរបស់មន្រ្តីរាជការសាធារណៈ។ គួរបញ្ជាក់ផងដែរថា វគ្គបណ្តុះបណ្តាលស្ដីពីការគ្រប់គ្រងស្ថាប័ន និងគោលការណ៍ណែនាំលើនីតិវិធី និងបែបបទស្តីពីការដំឡើងឋានន្តរស័ក្តិ និងថា្នក់ជូនមន្ត្រីរាជការស៊ីវិល គឺជាវគ្គទី២ ដែលត្រូវបានប្រកាសបើកជាផ្លូវការរួមគ្នាជាមួយវគ្គបណ្តុះបណ្តាលកាលពីវគ្គទី១ ស្តីពីការគ្រប់គ្រងនិងភាពជាអ្នកដឹកនាំ និងការងារបច្ចេកវិទ្យាឌីជីថល កាលពីថ្ងៃទី៤ ខែកញ្ញា ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន៕