ឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឱ្យដឹងថា មកទល់នឹងព្រឹកថ្ងៃទី៧ ខែតុលា ឆ្នាំ២០២៥ ស្ថានភាពផ្លូវខេត្តលេខ៣៨៣បេ ចាប់ពីភូមិតាំងស្នាយ ឃុំរកា ដល់ភូមិមេសរប្រចាន់ ឃុំមេសរប្រចាន់ ស្រុកពារាំង ខេត្តព្រៃវែង ទឹកជំនន់បានស្រកចុះ៣តឹក បើធៀបនឹងថ្ងៃទី៦ ខែតុលា ឆ្នាំ២០២៥ ខណៈកម្លាំងទឹកនៅបានបន្តបុកទម្លុះច្រោះតួផ្លូវខេត្តលេខ៣៨៣បេនេះ ចំនួនពីរកន្លែងបន្ថែមទៀតនៅក្បែរនោះ។ ជាមួយគ្នានេះ អាជ្ញាធរនៅបន្តបិទចរាចរណ៍ជាបណ្តោះអាសន្នលើកំណាត់ផ្លូវខេត្តលេខ៣៨៣បេ ត្រង់ចំណុចគីឡូម៉ែត្រ០៤+០០០ ដល់ចំណុចគីឡូម៉ែត្រ១០+៤២៥ នៅឡើយ៕