ឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឱ្យដឹងថា នៅព្រឹកថ្ងៃ២៩ ខែកញ្ញា ឆ្នាំ២០២៥ ភ្លៀងធ្លាក់ខ្លាំង និងជាប់ៗគ្នាឥតដាច់ប៉ុន្មានថ្ងៃមកនេះ បណ្តាលឱ្យផ្លូវជាតិលេខ៥៥ នៅតំបន់អន្ទង់អាំងរងការបាក់ច្រោះដីធ្លាក់លើតួផ្លូវ និងបណ្តាលឱ្យខូចខាតផ្លូវដោយអន្លើ ។ ឯកឧត្តម ផន រឹម បន្តថា ក្រុមការងារជំនាញផ្លូវថ្នល់ នៃមន្ទីរសាធារណការ និងដឹកជញ្ជូន ខេត្តពោធិ៍សាត់ និងអង្គភាពពាក់ព័ន្ធក្នុងខេត្ត បានចុះទៅដល់កន្លែងនោះភ្លាមៗ ដើម្បីអន្តរាគមន៍បើកផ្លូវធានាការតភ្ជាប់ឡើងវិញសម្រួលដល់ការធ្វើដំណើររបស់ប្រជាពលរដ្ឋ៕